ALYSON nilinaw na hindi lang ‘retro trend’ ang city pop music

HINDI pinalampas ng ALYSON ang pananaw ng ilan na “retro trend” lang umano ang city pop at jazz fusion music!

Sa exclusive listening party at press conference ng banda para sa “After Ours” album na dinaluhan ng BANDERA, ibinahagi nila ang kanilang pananaw tungkol sa city pop at kung paano nila ito ginagamit para hubugin ang kinabukasan ng OPM.

Ayon sa drummer na si Marcus, madalas kasing nakakulong ang tingin ng tao sa city pop bilang isang “aesthetic” o tunog na kailangang sundan.

“It’s a real thing where a lot of the way people approach city pop is sort of this nostalgic, gimmicky kind of thing. And we try to avoid,” sey niya.

Giit pa ng drummer, hindi nila tinitingnan ang city pop bilang isang set ng clichés o formula.

Para sa banda, hindi mahalaga kung city pop ba, Manila Sound, jazz, soul, o funk ang tawag sa musika dahil ang importante ay kung paano ito pinagsasama-sama para makalikha ng sariling identidad.

<iframe src="https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F1670755700721634%2F&show_text=false&width=267&t=0" width="267" height="476" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share" allowFullScreen="true"></iframe>

“In our eyes, it’s all the same. It’s taking lots of different kinds of music from different contexts and putting them in a melting pot and creating your own sort of product from it,” paliwanag ni Marcus.

Kaya naman, hindi rin daw nila iniisip na “lumilipat” sila mula city pop papuntang Manila Sound dahil para sa kanila, konektado lang ang lahat ng impluwensyang ito.

“We think of city pop as more of an approach rather than a sound. And that’s how we sort of stay away from trying to chase a sort of gimmick or a kind of nostalgic thing,” saad ni Marcus.

Ibinahagi rin ng drummer ang malaking impluwensya sa kanya ng Japanese musician na si Cunimondo Takiguchi ng bandang RYUSENKEI, na nagbigay umano sa kanya ng bagong pananaw tungkol sa city pop music.

“The people who made the city pop music that we interfaced with, they didn’t call it that at the time. They really just called it was music. It was pop to a degree, it was soul, it was funk, it was jazz,” esplika niya.

Ayon pa kay Marcus, natural lang na maghalo-halo ang iba’t ibang genre lalo na sa urban setting kung saan iba-iba ang pinanggagalingan ng mga tao.

Sa kanilang bagong album na AFTER OURS na inilabas sa ilalim ng Offshore Music Philippines, mas narinig ang pagsasanib ng Manila Sound, Japanese city pop, disco, jazz fusion, Motown grooves, at orchestral pop.

Ang 8-track album ay umiikot sa emosyon pagkatapos ng pag-ibig mula tukso at nostalgia hanggang sa pagpili kung mananatili pa sa relasyon.

Kabilang sa standout tracks nito ang “IKAW LAGI,” “LANDI,” “BIGHANI,” “GOODBYE, SUMMER,” at ang focus track na “24/7 LOVE & CARE.”

Bukod sa mas mature na songwriting at production, layunin din ng ALYSON na ibalik ang “album listening experience” sa mga listeners—yung tipong pinapakinggan mula umpisa hanggang dulo, walang skip.

Mapapakinggan na ang AFTER OURS sa lahat ng digital music platforms worldwide.

The post ALYSON nilinaw na hindi lang ‘retro trend’ ang city pop music appeared first on Bandera.