ALYSON hindi titigil sa pag-level up, mas gagalingan pa: ‘Basta masaya pa rin!’

HINDI pa man tuluyang humuhupa ang ingay ng kanilang sophomore album na AFTER OURS, may ipinangako ang ALYSON para sa kanilang fans.

Ang sabi nila, hindi sila titigil sa pag-level up at mas sisiguraduhin pa ang mas mahusay na musika sa mga susunod na proyekto.

Sa exclusive listening party at press conference na dinaluhan ng BANDERA, ramdam ang excitement ng banda hindi lang para sa kasalukuyang album kundi pati na rin sa future ng kanilang tunog at journey bilang musicians.

Ayon sa bokalista na si Pio Ligot, nakatutok muna sila ngayon sa pag-promote ng AFTER OURS.

Baka Bet Mo: ALYSON nilinaw na hindi lang ‘retro trend’ ang city pop music

“So in terms of what’s next, honestly, a lot of the effort will be promoting this album. I feel like this has been our most ambitious attempt,” sey niya nang tanungin kung ano ang susunod na aabangan ng fans sa kanila.

<iframe src="https://www.facebook.com/plugins/post.php?href=https%3A%2F%2Fwww.facebook.com%2Fbanderaphl%2Fposts%2Fpfbid02Ta5GkyBCCqUFKWfMYtARPcfS5r9EuRMd53MEDicPmVMhLb4PmLGXQeGySuB9Eskul&show_text=true&width=500" width="500" height="250" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe>

Dagdag pa niya, kasama rin sa plano ang pagpapalawak ng reach ng album, lokal man o internasyonal.

“That’s actually also one of our personal goals para sa gagawin naming pagto-tour and all of that. But of course, nandoon na rin yung paggo-grow as musicians,” saad ng frontman.

Para sa banda, mahalaga ang patuloy na pagkatuto sa bawat proyekto, at bukas sila sa anumang direksyon na maaaring tahakin ng kanilang musika.

“There’s always something new to learn, something new to apply. And however that may sound like, we’re opening that door,” lahad ni Pio.

Nilinaw din ni Pio na hindi sila nakatali sa iisang tunog o genre, kahit pa madalas silang i-associate sa city pop.

Para naman sa bassist na si Miguel Erfe, ang pinakamahalaga ay ang maiparating ang musika sa mas maraming tao at ma-enjoy ito bilang buong album experience.

“Our goal really is just to share, share, share. And for everyone else, new or old listeners, to be able to sit down and enjoy the album as a whole,” wika niya.

Simple pero direkta naman ang pananaw ng lead guitarist na si Luis Uy tungkol sa kanilang future: “For me, it’s just to keep having fun. Enjoy what we’re doing.”

<iframe src="https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F1670755700721634%2F&show_text=false&width=267&t=0" width="267" height="476" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share" allowFullScreen="true"></iframe>

Ganito rin ang saloobin ng keyboardist na si Easel Manel na naniniwalang walang saysay ang growth kung nawawala ang kasiyahan sa paggawa ng musika.

Ang drummer naman na si Marcus Mababangloob, hindi kailangang madaliin ang susunod na hakbang ng banda.

“We’re not going anywhere. We’re still gonna be here even though we have no immediate plans to make an album,” sambit niya.

“We’re not pressuring ourselves for a third album as of now. It will come when we know that that time is right,” aniya pa.

Ang AFTER OURS, na inilabas sa ilalim ng Offshore Music Philippines, ay patuloy na nagpapakita ng mas mature na tunog ng banda na pinaghalong Manila Sound, city pop, jazz fusion, disco, at orchestral pop.

The post ALYSON hindi titigil sa pag-level up, mas gagalingan pa: ‘Basta masaya pa rin!’ appeared first on Bandera.