Kim Molina, Jerald Napoles ikinasal na sa Bohol, dream wedding star-studded

NAGPAKASAL na ang celebrity couple na sina Jerald Napoles at Kim Molina sa Amorita Resort sa Panglao, Bohol nitong Linggo, March 1.

Dinaluhan ito ng kani-kanilang pamilya at malalapit na kaibigan mula sa loob at labas ng entertainment industry.

Star-studded ang naganap na wedding kabilang na riyan ang kanilang mga ninang at ninong sa pangunguna nina Viva Entertainment Chairman Vic del Rosario Jr., Aga Muhlach, Kim Atienza, Robert Seña, Laarni Enriquez, Charlene Gonzalez, Isay Alvarez at Ai Ai delas Alas.

Nagsilbi namang Matron of honor si Dimples Romana, candle sponsors sina Miguel Jimenez at Kayla Jimenez, veil sponsors sina Myke Solomon at Gabriela Solomon, at cord sponsors si Gloc-9 at ang direktor na si Irene Villamor.

Ang mga abay naman para sa Team Groom ay sina Alden Richards, Gerald Anderson, Pepe Herrera, Alex Medina, Nicco Manalo, Ryan Buenviaje, Rafael Sudayan, Peter Paul Corpuz at Acey Aguilar.

View this post on Instagram

A post shared by Kim Molina (@kimsmolina)

Kabilang naman sa Team Bride sina Yassi Pressman, Kakai Bautista, Adrian Lindayag, Abby Asistio, Yumi Lacsamana, Kakki Teodoro, Caryl Ann Paraico, Via Antonio, Angelique Aquino, Natileigh Sitoy at Niña Marie De Torres.

Nauna rito, sinabi ni Kim sa isang panayam na super thankful siya kay Jerald dahil talagang sinuportahan siya nito para matupad ang kanyang dream wedding.

"Yes, 100 percent. Everything else, hinayaan niya lang ako kasi ang laging sinasabi ni Je sa akin, 'Sa akin yung proposal, sa 'yo yung kasal.'

"So, natupad niya na 'yung pangarap niya para sa sarili niya na dream proposal daw for kung sino man papakasalan niya, eh.

"So it's the woman's turn naman na matupad naman daw niya 'yung dream simula bata. So in fairness, nagagawa naman niya," aniya pa.

Matatandaang nag-propose si Jerald kay Kim sa loob ng PETA (Philippine Educational Theater Association) Theater Center sa Quezon City noong August 11, 2024.

The post Kim Molina, Jerald Napoles ikinasal na sa Bohol, dream wedding star-studded appeared first on Bandera.