Lani Mercado nanawagan ng ‘fair & just resolution’ sa kaso ni Bong Revilla

NAGSALITA na si Cavite 2nd District Rep. Lani Mercado-Revilla patungkol sa kinakaharap na kaso ng kanyang asawang si former Sen. Bong Revilla.

Boluntaryong sumuko sa otoridad ang action star matapos maglabas ng arrest warrant ang Sandiganbayan para sa kasong graft at malversation kaugnay ng maanomalyang flood control project sa Bulacan.

Nagbahagi ng mensahe ang aktres at politiko sa pamamagitan ng social media nitong Miyerkules, January 21 kung saan sinabi nitong nasa "judicial review" na ang kaso ng kanyang mister.

"The cases involving my husband, former Senator Bong Revilla, Jr., are now under judicial review," ayon sa kongresista.

Dugtong pa niya, "As his wife and as a public servant myself, I ask for understanding, fairness, and respect for due process."

Nilinaw din ng aktres na never siyang naglabas ng statement hinggil sa pagsuko ni Bong sa PNP-Crimin Investigation and Detection Group (CIDG).

"I would also like to clarify that I have not issued any public statements regarding this matter, and I do not intend to make any public comments moving forward.

"Our family continues to draw strength from our faith, and we remain hopeful for a fair and just resolution. Thank you for your understanding," buong pahayag ni Cong. Lani.

Matatandaang sinabi ni Bong sa isang video message na tila wala raw nangyaring due process sa kanyang kaso.

"Nakakalungkot po parang wala yatang due process. Pero gayunpaman, haharapin ko ito nang walang takot at alam kong hindi ako pababayaan ng Diyos dahil wala po akong kasalanan dito," ayon sa action star.

Sinagot naman ito ng Malacañang sa pamamagitan ni Palace Press Officer at Presidential Communications Office (PCO) Undersecretary Atty. Claire Castro.

"Hindi po ako spokesperson ni dating sena[d]or Bong Revilla. Kung ano man po ang kaniyang nararamdaman ay igagalang po natin.

"Pero in general, 'yan po talaga ang magiging opinyon at damdamin ng isang naaakusahan," ani Castro.

The post Lani Mercado nanawagan ng 'fair & just resolution' sa kaso ni Bong Revilla appeared first on Bandera.