Jun Lana humugot sa presyo ng ticket sa MMFF, ‘Call Me Mother’ pinakamahal?

NAGLABAS ng saloobin ang direktor ng "Call Me Mother" na si Jun Robles Lana na kaya konti ang nanonood ng mga pelikulang kasali sa 51st Metro Manila Film Festival ay dahil sobrang mahal ang bayad sa sine.

Kahit na nasa number one slot ang pelikula nila ni Vice Ganda na ang gross ay P186,385,000 as of December 31 ay hindi pa rin daw nababawi ang gastos ng producers ng "Call Me Mother."

Base sa caption ni Direk Jun sa kanyang Facebook account kahapon kung saan ipinost niya ang posters ng walong pelikulang kasali sa MMFF51.

"For decades, the MMFF was the 'people's festival.' It was the one time of year when ordinary workers took their children to the mall to see their idols.

"But today, a family of four would need at least P1,500 just to enter the theater, not including transportation or even a single bag of popcorn.

"By pricing the ordinary Filipino out of the theater, the industry hasn't just lost customers, it has lost its soul. Cinema has shifted from a shared national culture to a middle-class privilege.

"You cannot promote a 'Nationa' Film Festival while maintaining prices that exclude the nation. Until we admit that cinema has become a luxury that the 'P500 Noche Buena' family cannot afford, we are simply watching the slow, expensive sunset of Philippine cinema."

Trending ang post na ito ni Direk Jun na umabot na sa 1,800 shares at ni-like rin ito ng mga taga-showbiz.

Bukod kasi sa mahal na ang bayad sa sine ay malaking epekto rin ang pagsulpot ng iba't ibang streaming platforms kung saan mapapanood ang mga inaabangang pelikula sa loob lang ng isa o dalawang buwan.

Sabi nga sa mga nabasa naming komento sa post ni Direk Jun, "That's why a lot of people would rather just wait for movies to come out on Netflix. With cinema tickets being so expensive now plus the high cost nang bilihin for Christmas preparation, watching at home makes more sense.

"For just P179, mapapanood na ng the whole family. Mas maganda pa rin experience manood sa sinehan but because of these reasons, they rather choose to be more practical na lang."

"Cinema used to be the cheapest form of entertainment but not anymore (sad face emoji)."

"Ang taas kasi ng amusement tax na dinadagdag which also forces the merchant to increase the price. Pwedi sana if ilagay lang nila ito for foreign movies but sana for this event which purely for Filipinos by Filipinos tanggalin or kahit babaan 'yung amusement tax. Dati nakakapanood pa kami with the price or 150-180 per person but now almost 500 ticket per person. Kaya ang hirap igala sa mall kasi mapipiga ka talaga pag wala kang enough budget."

Ang Jun Lana fan na laging pinanonood ang mga pelikula ay hindi na rin afford ang bayad sa sine.

"Direk the other day nagpunta ako sa mall yes over crowded pati sa fine dine-din sobrang haba ng pila sa waiting area. Sa Starbucks nga po wala na kaming maupuan sa mala-blockbuster na pila.

"When I checked the cinema area naku po halos ghost town hindi matao masyado at saka sobrang mahal po ng ticket.

"Sayang gustong-gusto ko manood lalo na po 'yung entry mo direk basta Jun Lana product hindi ko talaga 'yan pinapalampas alam mo 'yan.

"Ngayon abangan ko na lang po sa streaming platform or san may mag regalo sa kin ng passes hahahaha!"

"Why spend at least 1,000 pesos, when you can watch it online? And some are for FREE."

"Kung dati ay family date ang MMFF ngayon ay hindi na."

"Yes direk, sa Uptown P460 na ang films tho included na ang water and popcorn pero the price is not pricing. Hindi na for family go to ang MMFF every Pasko, luxury na siya halos sa lagay ng pricing today."

At may nagtanong kung bakit mas mahal ang Star Cinema movies kumpara sa iba, "E direk bakit movie mo pinakamahal sa sinehan? Mas mahal ng ₱10 kesa sa ibang entries ng MMFF?"

May nagpayo na sana magbaba ng talent fee ang mga artista bilang tulong sa producers na suntok sa buwan kung kikita o hindi ang pelikula nila.

"Tigilan din pag spoil sa talent fee ng mga superstars matuto sila makisama, at maging humble minsan."

In fairness may mga kakilala kaming superstars status ang nagbaba ng talent fee at 'yung iba nga ay co-producers na rin na ibig sabihin ay sinosyo nila ang parte ng TF nila sa pelikula tulad nina Ms. Lorna Tolentino para sa "I'mPerfect," Vice Ganda co-producer sa "Call Me Mother", Gerald Anderson producer ng "Rekonek" at Piolo Pascual co-producer ng "Manila's Finest."

Sa pagkakaalam din namin ay nagbaba rin ng talent fee ang mga bida ng "Bar Boys: After School" dahil gusto nilang matuloy ang part 2.

Wala naman kaming ideya sa "UnMarry" at "Shake Rattle & Roll: Evil Origins" kung nagbaba ng TF ang ilang bida na pawang mga sikat.

For sure mababa pa ang talent fee ng tatlong bida ng "Love You So Bad" dahil pawang mga baguhan pa at isa rin ito sa makakabawi ng gastos tulad ng "Bar Boys: After School."

Actually, hindi lang naman sa Pilipinas nangyayari ito maski sa ibang bansa at ang kumikita ay ang mga pelikulang may franchise tulad ng "Superman," "Spiderman", "John Wick," "Final Destination", "A Quiet Place" at iba pa na talagang gumagastos ang moviegoers kapag gusto talaga nila ang pelikula.

The post Jun Lana humugot sa presyo ng ticket sa MMFF, 'Call Me Mother' pinakamahal? appeared first on Bandera.