Kris Aquino balik-ospital matapos ang Pasko: ‘Kakayanin ko pa ba?’

LUBOS na ikinalulungkot ni Kris Aquino ang pagsugod sa kanya sa ospital, ilang araw lamang matapos ang payapang pagdiriwang ng Pasko, kasama ang mga mahal sa buhay.

Sa kanyang Instagram Story, ibinahagi ng Queen of All Media ang isang picture kung saan makikitang siya ay nakahiga sa hospital bed.

Makikita ring kasama niya ang anak na si Bimby, ngunit tila may sakit din bilang nakahiga rin siya sa hospital bed at may fever patch sa noo.

"The Christmas-New Year break has been 'heartbreaking.' Kakayanin ko pa ba?" Sey ni Kris sa kanyang post.

Baka Bet Mo: Kris Aquino sa chika ni Anjo Yllana noong sila pa: 'Ano ba, wala kang kasabay!'

Panawagan pa niya sa madlang pipol, "Prayers please, I'm sorry for asking again."

Makalipas ang ilang oras, ibinahagi ng isang fan page ni Bimby ang health update ng Queen of All Media.

Ayon sa post, siya ay kasalukuyang "stable and under close medical supervision."

"With permission from Kris Aquino, we are sharing that she is currently back in the hospital after her blood pressure reached 215/118. She is now stable and under close medical supervision," saad ng fan page.

Ani pa, "Kris humbly asks for everyone's prayers that her fever does not progress. She is taking all necessary precautions and is currently double-masking."

Sa kabila ng mabigat na sitwasyon, may kaunting good news ding ibinahagi si Kris.

"On a lighter note, Kris shared that the new hair that grew back after severe hair fall has turned wavy—and despite attempts to brush it straight, "hindi sumusunod," saad sa FB.

<iframe src="https://www.facebook.com/plugins/post.php?href=https%3A%2F%2Fwww.facebook.com%2FBimbyJamesAquino%2Fposts%2Fpfbid0SsFkrUQd5gYrLjdqWKuvyMnVYEjsE2x5Sre4e2q3KiSNCct4suMWr9HBgfFq2yF8l&show_text=true&width=500" width="500" height="812" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe>

Samantala, nilalagnat din umano si Bimby at nakararanas ng sore throat at sipon, dahilan upang bantayan din siya ng mga doktor.

Si Kris Aquino ay kasalukuyang lumalaban sa 11 autoimmune diseases at kamakailan lamang ay pansamantalang lumayo sa social media upang mag-focus sa kanyang medical treatments.

Sa kabila ng kanyang pinagdadaanan, ibinahagi rin na kahit may nararamdamang "awful bone pain," nagawa pa rin ni Kris ang ilang normal na aktibidad tulad ng pag-aasikaso sa birthday party ni fashion designer Michael Leyva at pagbisita sa ilang kaibigan.

Patuloy namang humihiling ng panalangin si Kris para sa kanyang kalusugan at sa mabilis na paggaling ng kanyang anak.

The post Kris Aquino balik-ospital matapos ang Pasko: 'Kakayanin ko pa ba?' appeared first on Bandera.