MUPH nanawagan ng unity, positivity matapos ang walkout drama sa Miss Universe 2025

KALMA mode ang Miss Universe Philippines Organization (MUPH) matapos kumulo ang pageant world sa walkout incident ng ilang kandidata sa isang pre-pageant event sa Thailand.

Sa halip na tutukan ang intriga, hinimok ng MUPH ang fans na ibuhos ang energy sa pag-celebrate sa mga kandidata ng Miss Universe 2025.

"We invite all pageant fans and supporters to focus on celebrating the Miss Universe 2025 delegates," sey ng MUPH sa kanilang statement nitong Huwebes, November 6.

Dagdag pa nila, "While recent incidents have stirred strong emotions, responding with negativity or calls for cancellation only divides our community. We encourage understanding and positivity to uplift the women involved and strengthen the pageant."

Baka Bet Mo: Nawat Itsaragrisil nag-sorry kay Miss Universe Mexico 2025 Fatima Bosch

Naglabas ng statement ang MUPH kasunod ng tensyong kinasangkutan sa pagitan ng national director ng Miss Universe Thailand at bahagi ng host committee na si Nawat Itsaragrisil, at ni Fátima Bosch na pambato ng Mexico.

Sa isang sashing ceremony, diretsahang sinita ni Nawat si Fátima dahil umano sa pagtanggi nitong sumali sa isang promotional activity.

Hindi nagustuhan ito ng ilang delegates kaya nag-walkout sila, kasama pa mismo ang reigning Miss Universe na si Victoria Kjær Theilvig.

Pinuri naman ng MUPH si Miss Universe Organization (MUO) President Raul Rocha dahil sa mabilis nitong pagresponde at sa pag-"call out" kay Nawat sa naging public aggression nito.

"We commend MUO President Raul Rocha for his prompt and direct response to the recent issues. The Miss Universe Organization has taken the necessary steps to address the matter and ensure the pageant proceeds smoothly," saad pa ng MUPH.

<iframe src="https://www.facebook.com/plugins/post.php?href=https%3A%2F%2Fwww.facebook.com%2FTheMissUniversePH%2Fposts%2Fpfbid02yrVhBL3YtumUkHJGftV1XwW5B5DnfSGpS5qmqbSKBAyEAZpknmZwW3GrBbkYf4Xbl&show_text=true&width=500" width="500" height="731" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe>

Hindi rin pinalampas ng MUPH ang kontrobersiyang kinasangkutan ni Miss Universe 1996 Alicia Machado, na umani ng batikos matapos insultuhin ang Thailand at mang-mock ng Asian features habang pinupuna si Nawat.

Sambit ng MUPH, "We also hope the disparaging remarks about Thailand and racial stereotyping of Asians by a former Miss Universe will not happen again. Insults and slurs have no place in the Miss Universe community, which stands for compassion, education, and inclusion."

Sa dulo ng kanilang pahayag, nagbigay paalala ang MUPH na ang tunay na essence ng pageantry ay unity, empowerment, at inclusivity…hindi bardagulan.

"Pageantry has the power to inspire, transform, and unite. Instead of toxicity, let us choose dialogue, understanding, and progress. Mistakes do not define the future; compassion, respect, empowerment, and understanding do," anila.

At syempre, may bonggang mensahe pa sila: "Let us carry forward the Miss Universe legacy — a platform for international unity, women's empowerment, and breaking barriers to foster an inclusive society. We wish the great nation of Thailand success in hosting this year's pageant. Mabuhay, Miss Universe!"

Samantala, tuloy-tuloy na ang pre-pageant events sa Bangkok bago ang coronation night sa Nov. 21, kung saan lalaban si Ahtisa Manalo para maibalik sa Pilipinas ang ikalimang Miss Universe crown.

The post MUPH nanawagan ng unity, positivity matapos ang walkout drama sa Miss Universe 2025 appeared first on Bandera.