‘Domeng’ posibleng maging typhoon pero hindi magla-landfall –PAGASA

WALA pang masyadong epekto, pero bahagya nang lumakas ang bagyong Domeng na nasa Luzon.

Ito ay ayon mismo sa Philippine Atmospheric, Geophysical and Astronomical Services Administration (PAGASA) sa kanilang weather bulletin ngayong araw, May 29, bandang alas-11 ng umaga.

Huling namataan ang bagyo sa layong 1,265 kilometer silangan ng Southeastern Luzon.

Taglay nito ang lakas na hanging 85 kilometers per hour malapit sa gutna at bugsong aabot sa 105 kph.

Kasalukuyan itong kumikilos sa bilis na 15 kph.

Baka Bet Mo: Bagyo 101: Ang ultimate guide para hindi ma-confuse sa klase ng bagyo, wind signals

Ayon sa report ng PAGASA, posibleng magiging isang typhoon ang bagyo ngunit hindi naman ito inaasahang tatama sa kalupaan.

Nakikita rin daw nilang lalabas ito ng Philippine Area of Responsibility (PAR) pagsapit ng Lunes, June 1.

<iframe src="https://www.facebook.com/plugins/post.php?href=https%3A%2F%2Fwww.facebook.com%2FPAGASA.DOST.GOV.PH%2Fposts%2Fpfbid0dL14VBUNcHaxdr3DqBp55ALtnkVQVGrNZF5ZEB7eActeFKyNUKv3eVuwV4Lrs11vl&show_text=true&width=500" width="500" height="703" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe>

Dahil sa Trough o buntot ng bagyong Domeng, asahan ang kalat-kalat na pag-ulan sa Eastern Visayas at Caraga.

Gayundin ang mararanasan sa Western Visayas, Negros Island Region, Zamboanga Peninsula, SOCCSKSARGEN, BARMM, Lanao del Norte, at Palawan pero ito’y dahil naman sa Southwesterly Windflow.

Isolated rainshowers or thunderstorms naman ang mararanasan sa Metro Manila at sa nalalabing bahagi ng bansa dulot ng localized thunderstorms.

The post ‘Domeng’ posibleng maging typhoon pero hindi magla-landfall –PAGASA appeared first on Bandera.