Dingdong Dantes nabahala sa Batangas forest fire, Vilma Santos to the rescue
NANAWAGAN ang Kapuso Primetime King na si Dingdong Dantes sa lokal na pamahalaan ng Batangas kaugnay sa forest fire sa Mount Batulao.
Sa kanyang Facebook post, ibinahagi ng aktor na nakatanggap siya ng video ng sunog na ipinadala ng kaibigang naninirahan malapit sa Barangay Cahil, Calaca.
"Sharing this immediate awareness, in case verification or response is needed," sabi ni Dingdong sa post nitong Biyernes, April 3.
Ngunit kalaunan ay binura na rin ni Dingdong ang kanyang post matapos mag-reach out sa kanya ng Batangas governor na si Vilma Santos.
Aniya, nirerespondehan na raw ng mga awtoridad ang insidente.
Baka Bet Mo: Dingdong Dantes: Ang tunay na kapangyarihan ay nasa taumbayan
"I received a message from Governor Vilma Santos shortly after I posted about what appeared to be a possible forest fire in Mount Batulao (or kung ano man exact location and name ng lugar). She confirmed that the proper authorities are already on top of the situation," saad ni Dingdong.
Dagdag pa niya, "In light of this, I have taken down the post, as the matter has already been brought to the attention of the concerned agencies."
Nagpasalamat rin si Dingdong sa mga awtoridad pati na sa mga netizens na nagbahagi ng naturang pangyayari.
Nagpaalala rin ang Kapuso actor na mag-ingat para sa ligtas na paggunita sa Semana Santa.
The post Dingdong Dantes nabahala sa Batangas forest fire, Vilma Santos to the rescue appeared first on Bandera.
Reviewed by pinoyako
on
April 04, 2026
Rating:
No comments: