Rodjun Cruz, Dianne Medina kumikita ng milyun-milyon sa live selling

NABABALANSE pa rin ng celebrity couple na sina Rodjun Cruz at Dianne Medina ang kanilang panahon sa pamilya at pagtatrabaho.

Bukod sa kanilang respective showbiz career, kinarir na rin ng mag-asawa ang pagtatayo ng sarili nilang business, ang DM Studios – a live commerce and creator agency.

This serves as a liaison between influencers and product labels for content creation, including live selling campaigns for different brands.

Si Dianne ang CEO ng DM Studios, habang si Rodjun ang vice president for PR and Marketing at ang actress and former beauty queen na si Maxine Medina (pinsan ni Dianne) ang VP for Sales.

Sa press launch ng DM Studios sinabi ni Dianne na hindi lang ito basta negosyo dahil isa sa major-major objective nila sa pagtatayo nito ay ang pag-professionalize sa live selling "as a powerful marketing tool for brand partnerships".

Sigurado raw na marami silang matutulungang kapwa celebrities at influencers na magkaroon ng extra income.

View this post on Instagram

A post shared by Dianne Medina Ilustre (@dianne_medina)

"No matter how hectic my month gets, I make sure to carve out time for Rodjun and the kids. Family time is sacred for us, it keeps us grounded.

"I will always be grateful for family time and small milestones together," ang pahayag ni Dianne sa pagbalanse ng kanyang oras.

Bukod sa pagiging live seller at CEO ng sariling company, may programa pa rin si Dianne sa PTV4 at tumatanggap din ng hosting job for events.

Sey naman ni Rodjun, time management at tamang pag-set ng priorities lang ang sikreto sa isang balanseng buhay at palagi rin daw nakasuporta sa kanya si Dianne kaya mas gumagaan ang kanyang mga trabaho at responsibilidad.

Natanong din si Dianne kung ano ang masasabi niya sa mga taong minamaliit ang live sellers lalo na silang mga nasa showbiz.

"It's really inevitable when they see live sellers. The tendency is they think, 'Ah nagla-live selling nalang sya, baka wala na siyang project.' But for me, it really all boils down to your vision and objectives.

"Why are you doing this, what is your purpose? Kasi ako, my purpose is to share my God-given talent to others and for me to use this instrument to be able to help others also. You're changing their lives," aniya.

"So, ako pag sinasabi nila yon, 'No, I'm very, very proud of my work and I take my job seriously, hindi ko siya ikinakahiya. This is a decent and honest job, hindi siya flood control (project) or whatever. Galing siya sa matinong trabaho, hard work talaga," sey pa ni Dianne.

"Sabi ko nga, it entails a long of sacrifice, commitment and dedication to be able to do this kind of job.

"And I can say, itong job na live selling na ito, we were able to invest on a lot of properties as well. So yun talaga ang nag pave ng way, so sino kami para mahiya?" saad ng TV host-actress-CEO.

At in fairness, ang pinakamalaking kinita ni Dianne sa live selling ay P25 million in gross merchandise value (GMV) habang si Rodjun ay kumita ng P15 million at si Maxine naman ay nag-exceed pa sa kanyang target at kumita ng P4.5 million in GMV.

Natutuwa rin si Dianne dahil mas bumobongga pa ang mundo ng live selling, "Mas nagiging open na. You can see other big celebrities who also do live selling. I don't think dapat syang ikahiya or kailangan mong tignan ng mababa."

Sey naman ni Rodjun, "Proud live seller po ako. Hindi totoo na kapag nagli-live ka, wala ka nang trabaho. May mga projects pa po ako, like 'Stars on the Floor,' may teleserye po kaming ginagawa.

"Proud po ako kase yung team po namin are working for their families, they are inspired to provide for them. Di biro ang live selling ha, kelangan nyo rin aralin ang products nyo," aniya.

Para naman kay Maxine, "It's a different platform, or industry na tingin nila mababa pero hindi talaga. Once na nakaupo ka don, for 3 to 4 hours, kakausapin mo sila, I give so much respect to them," sey pa ni Miss Universe Philippines 2019.

Sa ngayon ay may 15 personality na ang nasa management ng DM Studios na tinutulungan nila sa live selling process at inaasahang mas darami pa ito sa mga susunod na buwan.

The post Rodjun Cruz, Dianne Medina kumikita ng milyun-milyon sa live selling appeared first on Bandera.