Mukha ni Sunshine Cruz nilait ng basher, rumesbak: I have Myasthenia Gravis
SINUPALPAL ng aktres at celebrity mom na si Sunshine Cruz ang isang netizen na nang-okray sa kanyang mukha at itsura.
Hindi pinalampas ni Sunshine ang mga panlalait ng mga bashers kung saan sinabihan siyang hindi raw pantay at tabingi na ang mukha niya.
Sa latest Facebook post ng aktres, makikita ang screenshot ng mga komento ng ilang FB users patungkol sa kanyang face.
"Pag talaga botox maganda kaso parang hindi na nagpapantay ang mukha. Tumatabingi na," ang mababasa sa comment ng netizen.
Nang makarating ito kay Sunshine ay talagang binuweltahan niya ang laitera at judgmental na netizen. Pagtatanggol ng aktres sa sarili, "I have Myasthenia Gravis kaya madalas bagsak half of my face po."
Batay sa isang health website, ang myasthenia gravis ay isang chronic autoimmune disorder na nagdudulot ng panghihina ng skeletal muscles.
Kasunod nito, nagpaalala si Sunshine sa madlang pipol, lalo na sa lahat ng kababaihan na tigilan na ang pambabastos at pangnenega sa kapwa.
"Ladies, there is so much power in uplifting one another. Attacking someone's appearance says more about your character than it does about theirs.
"You never truly know the battles people are fighting whether it's mental health or physical illness.
"I've been open about my journey with Myasthenia Gravis, and it's the main reason I've stepped back from projects," ang pahayag ni Sunshine.
"Let's choose to be kind. It's a much better look on everyone," ang mensahe pa ng aktres sa publiko.
Sa ngayon ay hindi pa rin napapanood si Sunshine sa pelikula at telebisyon dahil mas prayoridad daw niya ang kanyang health, family at peace of mind.
The post Mukha ni Sunshine Cruz nilait ng basher, rumesbak: I have Myasthenia Gravis appeared first on Bandera.
Reviewed by pinoyako
on
March 17, 2026
Rating:
No comments: