SB19 Pablo, Ben&Ben Paolo may misyon sa OPM: ‘Maging respetado ang Pinoy creators’

PHOTO: Courtesy of Sean Jimenez

MAS malalim pa kaysa chart‑topping hits ang hangarin nina SB19 Pablo at Ben&Ben Paolo Benjamin sa pagsulat ng mga kanta.

Dahil gusto nilang mag‑iwan ng tunay na pamana para sa Pinoy creators, isang mas malawak na audience, at mas maayos na industry para sa mga manunulat ng musika.

Sabi ni Pablo, hindi lang basta tunog ang dapat taglay ng OPM, kundi respeto at proteksyon para sa mga likha ng lokal na creative. 

"As a Filipino creator, I want Filipino creatives to be more respected, protected, and to be paid properly… When you get shunned by people you think would help you sa industry — kaya nabuo ang Radkidz," sey ng SB19 leader sa panel noong launching event ng Sony Music Publishing Philippines na dinaluhan ng BANDERA.

Baka Bet Mo: Sony Music Publishing PH opisyal nang binuksan, bagong tahanan ng Pinoy songwriters

Dagdag pa niya, "I believe that ideas can come from anyone, regardless of age and gender. Through experiences, you can shape something that can help people to be inspired."

"Sana through my craft, makatulong siya na maging respetado ang Filipino creators and siyempre, money para ma‑sustain ang art natin," wika pa niya.

Para naman kay Paolo, bahagi ng legacy ang financial stability at pagtangkilik sa tunog ng tao, kahit pa dumarating na sa industriya ang artificial intelligence.

"At the age of AI, writers continue telling their stories of human perspective, human life, and humanity… Sana future generations will continue to do it and do it fearlessly. We want to be part of that passing of the baton," sambit ng Ben&Ben frontman.

<iframe src="https://www.facebook.com/plugins/post.php?href=https%3A%2F%2Fwww.facebook.com%2Fbanderaphl%2Fposts%2Fpfbid02mTr6mcSjPj5oRWHBS3ww2AHVwZ4pMdkrVLXToz5kdUfXRPCJoYPtPY3Sk7qX2hTDl&show_text=true&width=500" width="500" height="690" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe>

Parehong nabanggit ng dalawa na dapat may malasakit ang publiko, hindi lang sa kanta kundi sa kung paano ito ginagawa.

"For a Filipino songwriter to be connected to the world, malaking bagay po 'yun kasi magkakaroon sila ng connection para marinig ng buong mundo ang kanta nila," saad ni Pablo.

Aniya pa, "Hopefully, aspiring songwriters ay magkaroon ng lakas ng loob or courage sa pagsusulat."

Kamakailan lang, opisyal na inilunsad sa Pilipinas ang Sony Music Publishing (SMP PH), isang hakbang para bigyan ng mas solidong platform at suporta ang mga lokal na songwriter sa global stage.

Sa press launch, inihayag na si Stephanie Ortiz ang bagong General Manager ng SMP Philippines, habang ang Sony Music Publishing Asia ay pinamumunuan na ngayon ni Roslyn Pineda.

Isa sa mga layunin ng SMP PH ay palawakin ang oportunidad para sa mga Pinoy composers at songwriter sa lokal at international, turuan ang mga musicians tungkol sa rights at music publishing kabilang na sa kung paano kumita sa sariling gawa, at mag‑buo ng mas malawak na network kasama ang mga labels, koleksyon society at iba pang music stakeholders.

Ayon sa mga opisyal, maraming songwriters ang hindi pa ganap na nakakaalam kung paano palaguin at protektahan ang kanilang mga komposisyon, kaya isa sa prayoridad ng bagong tanggapan ang music publishing education sa industriya.

"It is an honor to champion Filipino songwriters, from legendary voices to emerging talent… we look forward to bringing their music to the international stage, connecting their stories and creativity with audiences everywhere and supporting their continued growth and success," ani pa ni Ortiz.

Kasama sa lineup ng songwriters na suportado ng SMP PH ang mga kilalang pangalan gaya nina Rey Valera, Mike Hanopol, Ace Banzuelo, MATEO, Arnel de Pano, pati na ang mga groups tulad ng Ben&Ben at SB19's John Paulo Nase.

The post SB19 Pablo, Ben&Ben Paolo may misyon sa OPM: 'Maging respetado ang Pinoy creators' appeared first on Bandera.