Sandbox Collective may open mic, masterclass series para sa theatre lovers

HANDA na bang mag-"Sing Awakening" at i-level up ang iyong acting skills?

Ang The Sandbox Collective, isa sa mga nangungunang theater groups sa Maynila, ay nagbubukas ng pinto para sa lahat mula sa mga propesyonal sa entablado hanggang sa mga teatro enthusiasts!

Sa bagong season, doble ang effort ng Sandbox sa community-building at arts education sa pamamagitan ng dalawang exciting na events: Sandbox Beyond The Stage: Sing Awakening at Playground: The Sandbox Masterclass Series.

Ayon kay Reb Atadero, ang layunin ng Sandbox Beyond The Stage (BTS) ay mas mapalapit ang mga audiences sa sining ng teatro.

Baka Bet Mo: 'Spring Awakening' musical ibubulgar ang sikreto, hamon ng pagiging teenager

Sa pamamagitan ng special events gaya ng quiz nights at open mics sa iba't ibang partner bars sa Metro Manila, mas lalo pang magkakakilala ang theater lovers.

"I want Sandbox BTS to be a name that theatre fans think about when they want to hang out and have fun with friends they've made watching shows or geeking out over theatre," sey ni Reb sa isang pahayag.

Aniya pa, "I want it to be a hangout spot for those who live and breathe the stage and those who want an avenue to get into theatre which can sometimes be intimidating."

Ang Sing Awakening Open Mic ay gaganapin sa March 4 sa Sari-Sari Speakeasy Bar, Washington Street, Makati City, at tiyak na puno ng tawanan, musika, at kilig para sa mga theater fanatics!

Para naman sa mga performers na gustong i-level up ang kanilang craft, ipinakikilala ng Sandbox ang "Playground," isang professional training series na maghahasa sa iyong talento para handa sa anumang oportunidad sa teatro.

Ayon kay Marvin Ong, ang Playground ay para sa edad 16 pataas at mas maganda kung may experience na sa theater.

"If we are to contribute to making Philippine theater an industry, we need to be able to equip more people to the standards that it demands," sambit ni Marvin.

Wika pa niya, "And who better to give it than the legends, the masters, and the shapers of Philippine theater itself."

Ang lineup ng instructors ay kinabibilangan nina Audie Gemora, Menchu Lauchengco-Yulo, Jaime Del Mundo, Ejay Yatco, at JM Cabling.

Limitado lamang sa 20 slots bawat batch, kaya kailangan mag-apply agad sa website portal ng Sandbox.

Ang unang batch ay magsisimula sa March 28, na susundan ng showcase sa April 18.

"Learning from the best of the best in Philippine theater—equipping you with skills to elevate your artistry so that you're ready to book that next play, commercial, competition, and go-see you've been eyeing," dagdag pa ni Marvin.

Ayon kay Sab Jose-Gregorio, "As the industry continues to grow and evolve, now is the perfect time to provide programs that cultivate both artists and audiences. These new initiatives are designed to give practitioners the space to explore, to train and sharpen their tools, and perhaps, to get their foot in the door."

Sa mga bagong programang ito, pinagtitibay ng Sandbox ang posisyon nito hindi lang bilang lider sa paggawa ng innovative at cutting-edge theater sa Maynila, kundi bilang isang creative hub na nagbubuo ng tulay sa pagitan ng audience, artists, at iba't ibang gawa ng sining.

"I am incredibly proud and honored to share that our Arts Education and Audience Development programs are now in full swing. These programs represent an exciting new chapter — one rooted in education, collaboration, and a shared commitment to the continued growth of Philippine theater," ani niya.

The post Sandbox Collective may open mic, masterclass series para sa theatre lovers appeared first on Bandera.