Mga labi ni Vangie Labalan iuuwi sa Pinas para sa kanyang wake sa QC

IUUWI sa Pilipinas ang abo ng yumaong beteranang aktres na si Vangie Labalan.

Ayon sa Facebook post ng aktor at kaibigang si Armando Reyes, ito ay para sa gaganaping lamay sa Quezon City mula February 28 hanggang March 1.

"Her ashes will be brought to Manila for viewing at The Ascension Columbary and Chapels located at 332 G. Araneta Ave., QC on Feb 28 and March 1. She is survived by her 4 children and 9 grandchildren," caption niya.

"The family would appreciate [it] if you could direct us to any guild or association she's a member of that can assist in any way," dagdag pa sa post.

Baka Bet Mo: Vangie Labalan pumanaw sa edad na 83

<iframe src="https://www.facebook.com/plugins/post.php?href=https%3A%2F%2Fwww.facebook.com%2Farmando.a.reyes.941163%2Fposts%2Fpfbid0TeVv6YZfiGmDzb7gNrNkgBSgmunxk48HCjTovWWmTys95KiEysEUZXc3vzvvu4GEl&show_text=true&width=500" width="500" height="250" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe>

Ang batikang aktres ay sumakabilang-buhay sa Australia sa edad na 83 matapos makipaglaban sa isang sakit.

Hindi ipinahayag ang detalye ng karamdaman, pero ang pagpanaw ni Vangie ay kinumpirma mismo ng kanyang anak na si Carlo Labalan noong February 12, ilang linggo matapos ang kanyang ika-83 kaarawan noong Enero.

Kilalang-kilala si Vangie bilang isang character actress, at kabilang sa kanyang mga pinakatanyag na pelikula ang "Himala," "Aliw," "Hihintayin Kita sa Langit," "Bilangin ang Bituin sa Langit," at "Nakausap Ko ang Birhen."

Maliban diyan, kilala rin siya bilang comedienne at acting coach na tumulong sa maraming mga artista.

The post Mga labi ni Vangie Labalan iuuwi sa Pinas para sa kanyang wake sa QC appeared first on Bandera.