Tom Rodriguez pinakasalan non-showbiz partner sa US bago umuwi sa Pinas

PINAKASALAN na ng Kapuso actor na si Tom Rodriguez ang kanyang non-showbiz partner at nanay ng kanyang anak sa Amerika bago sila nagtungo rito sa Pilipinas. 

Yes, isinama na nga ni Tom ang kanyang mag-ina sa bansa at natutuwa siya dahil mabilis daw nakapag-adjust ang mga ito sa buhay nila rito.

Nakachikahan ng ilang members ng entertainment media si Tom kahapon,  December 5, sa grand mediacon ng bago niyang movie, ang "UmMarry" na official entry sa Metro Manila Film Festival 2025 kasama sina Angelica Panganiban at Zanjoe Marudo. 

"Yes, I am. I won't go into details, pero happy," sey ni Tom na hands-on din bilang tatay sa panganay na anak.

Baka Bet Mo: Tom Rodriguez sa engagement ni Carla Abellana: 'Glad to know she's moving on'

"I love it. Wala kaming house help, e, so we do everything na kami lang. So we have a lot of time to bond together and spend time to each other," chika ng aktor.

Pag-amin pa ng Kapuso star, hindi raw niya kayang hindi makita ang kanyang asawa't anak sa loob ng matagal na panahon.

"Na-experience ko noong pinabalik na ko ng GMA dito after of my absences, hindi ko kaya na hindi sila kasama. And I don't know how OFWs do it because when I get to try it for a few months, ang hirap," pahayag ng aktor. 

"Ayaw na naming magkahiwalay pa kahit sandali lang," sey pa niya.

Nilinaw din niya ang mga chika na parang ipinagdadamot daw niya ang kanyang pamilya sa publiko, "Hindi ko naman sila tinatago. Sa akin talaga, 'yong rule ko lang, I just want to live my life privately 

"Pero we go out. We have a community kung saan kami nakatira. We just live a normal [and] simple life. Kung ano 'yong buhay namin noong nasa US kami, we're trying to do same here.

"Pero hindi naman ibig sabihin noon na parang nakakulong lang kami, nagtatago. Like, no. We wanna live a life and at the same time we don't wanna put it out there," dagdag niyang paliwanag.

Nagbigay din ng reaksyon si Tom sa balitang engaged na ang dati niyang asawang si Carla Abella sa isang doktor.

"Recently ko lang nalaman because of this mediacon. And when I heard nga, it's an honest reaction, I wish her well. I wish them well.

"And, yeah, I'm glad that, you know, that everyone is moving on, I wish them well. Everyone deserves happiness, and we all deserve to be happy, and I'm glad we've all finally moved on," aniya pa.

Ayaw na raw niyang balikan ang kanyang past relationship, "Ako, nakatutok sa sarili kong married life now. Doon na ako nakatutok.

"For me, I like what I have now and I'd like to keep it that way. Yun nga! Gusto ko yung peace na meron ako ngayon, mas dun na lang ako magpo-focus. So yung past, I don't wanna open it anymore," sey pa ng Kapuso actor.

Samantala, inamin ni Tom na nagdalawang-isip siyang tanggapin ang "UnMarry" kung saan may pagkakontrabida ang kanyang role.

"There's a lot of stuff out there about me that… well, the people close to me know isn't true. So the public perception and the role, baka mag-blur yung line na yun.

"Pero yun nga, because of the project, sabi ko, why would I… parang sinabi ni Angelica kanina, 'Why would you deny a project na panghihinayangan mo?'

"It's a really good story. And my character is like a piece of the opposite side of Celine's pain, na kailangan siya for the story na panghihinayangan ko.

"So if I let my own fear, parang stop myself from being part of project like this, mas feeling ko mananaig yung panghihinayang kesa yung sa takot na yun na, 'Ah, baka isipin nila, ganyan ba siya sa totoong buhay, yung si Stephen at saka si Tom, iisa ba?'

"I have to separate that because I know for myself and my loved ones that it's not the truth. This is a role. It's a beautiful story and I'm very, very excited to take it," saad pa niya.

Makakasama rin sa "UnMarry" sina Nico Antonio, Eugene Domingo, Solenn Heussaff, at introducing ang child actor na si Zac Sibug. Ito'y mula sa direksiyon ni Jeffrey Jeturian under Quantum Films and CINEKO Productions.

The post Tom Rodriguez pinakasalan non-showbiz partner sa US bago umuwi sa Pinas appeared first on Bandera.