Marcelito Pomoy pak na pak sa Trump Estate sa Florida, binigyan ng standing ovation

TALAGANG world-class ang talento ni Marcelito Pomoy!

Muling pinatunayan ng "Pilipinas Got Talent" Season 2 winner ang kanyang husay matapos makatanggap ng standing ovation sa kanyang pagtatanghal sa Trump Estate o mas kilala bilang Mar-a-Lago sa Florida, kahit wala mismo roon ang US President na si Donald Trump.

Sa Facebook, proud ibinandera ni marcelito ang ilang eksena mula sa kanyang makabagbag-damdaming rendition ng kantang "Time to Say Goodbye" ni Andrea Bocelli, na kanyang inawit sa prestihiyosong okasyon.

"Thank you for the standing ovation. It is always a dream for me to sing 'Time to Say Goodbye' by Andrea Bocelli," sey ng singer.

Baka Bet Mo: Marcelito Pomoy sumailalim sa 'shock wave treatment' dahil sa kidney stones

Aniya pa, "Andrea Bocelli and Sarah Brightman turned this song into an iconic finale for musical performances around the world, and I feel truly honored to perform it each and every time."

<iframe src="https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F1228393595886570%2F&show_text=false&width=267&t=0" width="267" height="476" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share" allowFullScreen="true"></iframe>

Bagama't hindi nakadalo si Pangulong Trump dahil sa abalang schedule, nag-upload pa rin si Marcelito ng isa pang clip mula sa kanyang performance.

Dito ay ipinakita niya ang kanyang paggalang sa pamumuno at adbokasiya ng pangulo ng Amerika.

"While the President was unable to attend at the last minute due to a demanding day of international meetings, it was a privilege to be part of such a distinguished evening," sambit niya.

"Respect to leadership, dedication, and the ongoing effort to strengthen the nation and the world. Proud to stand for unity, excellence, and the vision of Making America Great Again," dagdag pa niya.

Matatandaang unang nakilala si Marcelito noong 2011 bilang contestant ng "Pilipinas Got Talent" Season 2, kung saan hinangaan siya ng marami dahil sa kakaiba niyang kakayahang umawit sa parehong mababa at matataas na tono.

Pagkalipas ng walong taon, pinabilib naman ni Marcelito ang international audience nang sumali siya sa "AGT: The Champions 2," kung saan nagtapos siya sa ikaapat na pwesto.

The post Marcelito Pomoy pak na pak sa Trump Estate sa Florida, binigyan ng standing ovation appeared first on Bandera.