Ahtisa Manalo hindi inalok ng Miss Universe Asia title, dedma sa lahat ng intriga

PHOTO: Facebook/Ma. Ahtisa Manalo

HINDI na nagpaka-stress si Ahtisa Manalo sa kontrobersiyang bumalot sa Miss Universe 2025 matapos ang pagkapanalo ni Fatima Bosch ng Mexico.

Sa halip na makisawsaw, dedma mode ang ating reyna at mas ginusto na mag-move on na lang. 

Sa panayam niya sa "Fast Talk with Boy Abunda," very kalmado at very adulting ang sagot ng beauty queen, kahit pa kaliwa't kanan ang hanash ng fans tungkol sa resulta.

"It happened na. There will always be things in life na hindi natin magugustuhan ang resulta. And that goes for anything, including this competition," sey niya kay King of Talk Boy Abunda.

Baka Bet Mo: Ahtisa Manalo waging-wagi sa Pinas: Our ultimate multo, Miss Universe 2025!

Dagdag pa niya, "And to me, tapos na siya. Wala na tayong magagawa. Let's just move on with our lives."

Tinanong pa si Ahtisa tungkol sa kontrobersiyang kinasasangkutan ng winner at sa pasabog ng former Miss Universe judge na si Omar Harfouch. 

Pero kahit pa trending sa social media ang tsismis, ayaw ni Ahtisa magpadala sa Marites energy.

"As an accountant, I really think that auditing is an important part of proper competitions and proper measures of something. But again, what is there for me to do?" saad niya.

Patuloy niya, "In my assessment, I've been in pageants for 18 years. And I know not all news are factual when it comes to pageants, and it's hard to know ano 'yung chismis and alin 'yung totoo."

Kaya naman ang mantra niya: "So for me, I don't judge based on what I hear especially if there's no evidence to it. If I'm presented with facts, I might change my opinion. But with no facts, it is what it is."

Sa kabila ng ingay, hindi raw nadungisan ang Miss Universe journey niya: "I was living my dream… ang goal ko ay maging Miss Universe 2025 and there will always be drama wherever you go. So focused lang ako."

Trending din ang chika na siya raw at si Praveenar Singh ng Thailand ay inalok maging Miss Universe Asia. 

Pero mabilis itong pinabulaanan ni Ahtisa: "It was never offered to me in the first place!"

"Nag-assume pa nga ako…Pero in-assume ko lang, 'di naman in-offer sakin. I don't know where the rumors started," paliwanag niya.

Ayon sa pageant history, si Chelsea Manalo ang unang Miss Universe Asia bago ito ipasa sa pambato ng China na si Zhao Na.

Ngunit para kay Ahtisa, hindi raw siya nakarinig ng kahit anong offer.

"I don't know what the talks were between Mama J and the organization. But on my behalf, it was never offered to me," giit pa niya.

Matapos lumaban sa Miss International 2018, Miss Cosmo 2024, at Miss Universe 2025, tapos na raw ang pageant era ni Ahtisa. 

Pero kahit hindi siya ang nag-uwi ng korona, isa siya sa pinakamalakas na kandidata pagkatapos ng matunog na performance sa prelims.

The post Ahtisa Manalo hindi inalok ng Miss Universe Asia title, dedma sa lahat ng intriga appeared first on Bandera.