DTI proud ibida ang Pinoy creativity sa niyog sa COCONUTPhilippines Trade Fair

KUNG akala niyo ay buko juice at bibingka lang ang kayang gawin mula sa niyog, aba, maghanda na kayong mabudol!

Kamakailan lang, dumalo ang BANDERA sa grand opening ng 2025 COCONUTPhilippines Trade Fair sa Megatrade Hall sa SM Megamall, at masasabi naming ito na yata ang pinakamalupit na coconut showcase na nasaksihan namin.

Pinangunahan ito ng Department of Trade and Industry (DTI) kasama ang Philippine Coconut Authority (PCA), at sinuportahan ng Coconut Farmers and Industry Development Plan.

At para ibandera kung gaano ka-creative at ka-resourceful ang mga Pinoy pagdating sa niyog, nagtipon-tipon ang 220 exhibitors mula Luzon, Visayas, at Mindanao!

Baka Bet Mo: #SerbisyoBandera: Halal para sa lahat mula pagkain hanggang turismo at negosyo

<iframe src="https://www.facebook.com/plugins/post.php?href=https%3A%2F%2Fwww.facebook.com%2Fbanderaphl%2Fposts%2Fpfbid0EqzMQgyXqRpFUD6Zvb5VucWLaPWYcyFNPXnqxEd6EdXkb3Ty94nV9ZiWfiEJVW8Ml&show_text=true&width=500" width="500" height="690" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe>

Ika nga ni DTI Secretary Ma. Cristina A. Roque sa kanyang talumpati during the event: "From the virgin coconut oil and coconut water to skin care and wellness products, the coconut has already found its place in the homes, diets and lifestyles of consumers all over the world. This fair boosts what we have always known that the Filipino coconut can stand proudly not only in the homes of Filipino families but also the shelves of Global markets."

Hindi rin nagpahuli si PCA Administrator Dr. Dexter R. Buted na proud na sinabi: "Iba pa rin ang lasa ng ating niyog kaysa sa ibang bansa!"

Dagdag pa niya, kahit na number two lang tayo sa produksyon sa buong mundo, tayo naman ang number one coconut exporter, na patunay na world-class talaga ang Pinoy niyog.

Pero balik tayo sa fair, dito makikita ang lahat, as in LAHAT ng pwedeng gawin mula sa niyog, kabilang na ang pagkain, inumin, skincare, wellness products, lifestyle items, at kung anu-ano pang hindi niyo iisiping gawa pala sa coconut!

Kaya kung curious ka kung ano pa bang kayang gawin ng mga Pinoy gamit ang niyog, ito na ang chance mo.

Libre lang ang entrance sa nasabing trade fair at ito ay bukas sa publiko hanggang September 2 sa SM Megamall.

The post DTI proud ibida ang Pinoy creativity sa niyog sa COCONUTPhilippines Trade Fair appeared first on Bandera.