Dasuri Choi puro cheater naging dyowang Korean: Sana Pinoy naman!

LAHAT ng naging boyfriend niyang Korean ay manloloko kaya wish ni Dasuri Choi, sana raw Pinoy naman ang susunod niyang makarelasyon.

Hanggang ngayon ay single pa rin si Dasuri pero aniya, handang-handa na raw siyang magka-lovelife dahil hindi na rin siya bumabata.

Sa pagbisita ng Korean actress at dancer sa "Fast Talk with Boy Abunda" kamakailan ay napag-usapan nga ang tungkol sa kanyang buhay-pag-ibig.

"Lagi naman po ako ready, Tito Boy. Lagi. Okay. But then, hindi siya talagang dumadating. Ang tagal talaga. And ewan ko po, parang lagi naman po ako ready kasi yung edad ko po. Millennials po kami," pahayag ni Dasuri.

Sey pa ng dalaga, hindi naman daw siya mapili sa lalaki pero wala pa raw talagang dumarating na para sa kanya kaya ine-enjoy na lang muna niya ang single life.

"I love to be alone with my dogs. That's it. So, hindi ako lumalabas. Wala din akong connection dito na like from the school. Hindi rin ako nag-aral dito. Wala din akong church dito. Family, wala. So, wala po. Dog na lang," sey ni Dasuri.

At sana raw ang next na maging boyfriend niya ay Pilipino, "Kasi for 23 years, I was in Korea and then I had Korean boyfriends. Ngayon naman, sana Pinoy naman."

Kasunod nito, inamin nga ng Koreana na may pusong Pinoy na hindi naging maganda ang experience niya sa mga naging dyowa niya dahil nag-cheat daw ang mga ito.

"'Yun ang talagang masakit po sa akin. Kaya medyo matagal din ako naging single. Super single lang po ako. Tapos, medyo ready na, wala na pala. Wala na. Hindi na dumadating," rebelasyon ni Dasuri.

Samantala,

na pinangarap din niya noon na maging K-pop idol at sumalang siya sa pagsasanay pero tumigil dahil sa sobrang higpit ng patakaran. Bukod doon, bawal din umanong mag-jowa o magkaroon ng karelasyon.

Sa guesting nina Dasuri at Rodjun Cruz sa "Fast Talk with Boy Abunda" nitong Huwebes, binalikan ni Dasuri ang pagiging backup dancer para sa sikat na girl group na Wonder Girls.

"Nakakaba, but at the same time, super honored po ako kasi super uso that time 'yung 'Nobody.' Pero, actually po, wala po silang backup dancer sa live show, pero pag-concert, nandu'n po ako. Kaya super lucky po ako at the same time, honored," sabi ni Dasuri.

Katunayan, naging K-Pop trainee rin siya noon pero hindi ito natuloy.

"Parang wala kasing freedom po Tito Boy du'n sa K-Pop industry. Pagdating sa K-Pop talagang [performers]," sabi niya.

Hanggang sa nagdesisyon si Dasuri na hindi na tumuloy sa kaniyang pagsasanay.

"Super controlled po 'yung life. Even sa school. After school, they would pick me up and then diretso training. After that, wala po bonding with friends and all. Direto uwi, tapos tulog, tapos school again, and then training again. Lahat ganu'n po," kuwento niya.

Pero diin ni Dasuri, hindi niya rin kaya ang hindi magka-boyfriend.

"Tsaka bawal din magkajowa. Ayun 'yung hindi ko talaga kaya," pag-amin niya.

The post Dasuri Choi puro cheater naging dyowang Korean: Sana Pinoy naman! appeared first on Bandera.