Watch | May-ari ng Bahay, Nagbigay ng Inumin sa Isang Delivery Rider na Kumakain sa Labas ng Kanyang Bahay!

Marahil lahat tayo ay maraming pinagdadaanan sa buhay, gayunpaman ay nangingibabaw pa rin ang pagtutulungan sa isa't-isa. Mabilis naman nag-viral ang isang video kung saan ay mapapanood ang kabutihan ng isang netizen sa delivery rider na kumakain sa labas ng kanyang bahay. Sa simpleng pag-abot niya ng tubig sa rider ay marami ang naantig sa tagpong iyon.

Ang video ay nakuha mula sa CCTV kung saan makikita na lumabas ang may-ari ng bahay para bigyan ang rider ng maiinom. Mapapansin na kumakain mag-isa ang delivery rider ng kanyang hapunan.

Marahil ay inabutan na ng gutom ang delivery rider sa daan kaya sa labas na lamng siya kumain. Mabuti na lamang ay natapat siya sa isang bahay ng mabuting may-ari kaya nabigyan siya ng maiinom. Sa maikling video na ito ay makikita ang inspirasyon na kahit anoman ang estado natin sa buhay at ano man ang pinagdadaanan natin sa buhay, ay piliin pa rin nating mabuti sa kapwa.

Sadyang mahiråp ang buhay natin sa panahon ngayon, ngunit kailangan pa rin nating maghanapbuhay para may kitain. Tulad na lamang ng delivery rider na ito, na naabutan ng gutôm sa kalsada at sa kabutihang palad ay mayroon mabuti tao na magmamalasåkit sa kanya.

Source: Noypi Ako