Ice Seguerra paano nagpaka-‘tatay’ sa anak ni Liza Diño: ‘Provider at protector’

Liza Dino, Ice Seguerra

SA pagdiriwang ng Pride Month at Father’s Day, isang sweet at nakakatuwang kwento ng pamilya ang ibinahagi ng celebrity couple na sina Ice Seguerra at Liza Diño tungkol sa kanilang anak na si Amara, na ngayon ay 18 anyos na at unti-unti nang gumagawa ng sariling pangalan sa buhay.

Sa eksklusibong panayam ng BANDERA at INQUIRER, bongga ang papuri ni Liza kay Ice bilang isang ama na hindi lang basta “provider.” 

“Hindi lang provider ng financial pero provider ng care, ng security. He is present. He will always make you feel that nandyan siya para makinig sa’yo,” pagmamalaki ni Liza nang tanungin kung paano naging tatay si Ice sa kanyang anak.

Dagdag pa niya, consistent si Ice bilang ama at asawa kaya naman sobrang solid ng bond nito kay Amara.

Baka Bet Mo: Ice Seguerra shookt sa sikreto ng ‘Pagdating ng Panahon’, hindi pala love song?

“I feel na kaya siya dumating sa ganitong point na Amara knows exactly what she needs from Ice. Kumbaga pag mayroon siya pinagdadaanan something, si Ice ang una niyang tatawagan at hindi ako. Ganoon ka-specific ‘yung alam niyang makukuha niya from Ice because of the relationship they’ve already built,” chika pa ni Liza.

Nakakatuwa rin ang dynamics nila sa bahay dahil si Ice ang nagsisilbing “tulay” o mediator kapag nagkaka-emote ang mag-ina.

“I’m a very highly sensitive person, I’m very emotional..Imagine my daughter just entering that stage of being that emotional pero wala pa ‘yung regulation. So si Ice provides that balance,” lahad ng dating Film Development Council of the Philippines (FDCP) chair and CEO.

Isa pa sa na-share ng couple ay ‘yung journey kung paano tinawag ni Amara si Ice na “dad.”

“Nakakatuwa kasi umpisa pa lang ang usapan na namin ni Ice is ang kailangan ko katuwang, kailangan ko parent. I don’t want him to come in as a stepdad or an uncle or a friend. And Amara found her own journey and way to call him from Ate Aiza…to baba, to finally dad. It was her own journey. Now that you look back, parang it was such a beautiful journey na I was a witness of sa kanilang dalawa,” pagbabalik-tanaw ni Liza.

Para naman kay Ice, aminado siyang hindi siya mahilig sa bata noon, pero nagbago ang lahat nang dumating si Amara sa buhay niya.

Dito rin niya natutunan ang pagiging mas hands-on na ama hindi lang para alagaan si Amara ngayon, kundi para ihanda siya sa buhay.

“Siguro ang nakita ko as a parent, it’s my job to protect her in the sense hindi yung protektahan siya 24/7 magkasama tayo, but really prepare her for life. Because we won’t be there her whole life ‘di ba,” wika niya.

Ngayon na nasa U.S. na si Amara at 18-anyos na, hindi maitago ni Ice ang proud dad energy.

“I really feel like Lisa and I, and of course Ken, her dad, really did an amazing job. Kasi when she goes off into the world, kampante kami that we raised a good kid. She knows what is right and what is wrong. She knows how to not just take care of herself but take care of other people around her,” lahad ng singer-actor.

Aniya pa, “Importante sa akin ang ugali ng tao and kung paano rin siya makisalamuha sa iba. And seeing her now sa totoo lang, I’m very proud kasi parang ‘okay, we did good’.”

The post Ice Seguerra paano nagpaka-‘tatay’ sa anak ni Liza Diño: ‘Provider at protector’ appeared first on Bandera.