Nadine Lustre tinawag na ‘best candidate for president’ sa 2028 si Leni Robredo

NANINIWALA ang premyadong aktres na si Nadine Lustre na "best candidate for president" pa rin sa 2028 ai Naga City Mayor at dating Vice President Leni Robredo.

Diretsahang sinagot ni Nadine ang tanong ng media sa kanya ngayong araw, February 10, patungkol sa posibleng pagkandidato uli ni Robredo sa pagkapangulo sa Eleksyon 2028.

Sa ambush interview sa aktres sa House of Representatives inilarawan ni Nadine si Robredo bilang pinakapasadong kandidato sa pinakamataas na posisyon sa gobyerno.

Ayon sa aktres, susuportahan niya si Robredo sakaling tumakbo uli ito bilang pangulo, "Definitely, yes. No question about that."

Dagdag pa niya, "For me, she's really the best candidate for the presidency. I supported her way, way back when she ran for the first time. So definitely, I would support her again."

View this post on Instagram

A post shared by Nadine Lustre (@nadine)

Pero ayon kay Nadine, irerespeto niya kung anuman ang magiging desisyon ng alkalde hinggil sa usaping ito.

"Sometimes, the best presidents are those who don't want to run. But that's up to her decision.

"We'll cross the bridge when we get there because right now, it's really hard to say," aniya pa.

Sumama si Nadine pati ang kanyang Filipino-French businessman boyfriend na si Christophe Bariou kay Mamamayang Liberal Rep. Leila de Lima sa Batasang Pambansa ngayong araw para maghain ng panukalang-batas kaugnay ng "environmental protection and animal welfare."

The post Nadine Lustre tinawag na 'best candidate for president' sa 2028 si Leni Robredo appeared first on Bandera.