Miss Universe PH Benguet 2026 Cristeta Longey nag-resign, may ibinuking!?

NAG-RESIGN si Miss Universe Philippines Benguet 2026 Cristeta Longey sa kanyang pwesto dahil sa mga nabuking umano niyang mga iregularidad.

Kinumpirma ni Cristeta Longey na hindi na siya rarampa at lalaban sa pageant dahil sa naging isyu niya sa Miss Universe Philippines Benguet organization.

Rebelasyon ng beauty queen, nadiskubre niyang may plano na ang Benguet organization na maghanap ng kapalit niya nang hindi ipinapaalam sa kanya.

Sinabi rin ng dalaga na inaakusahan daw siya ng organizers ng "utter disloyalty" dahil sa pagsasalita niya sa mga isyu within the organization kabilang na ang tungkol sa cash prizes.

Sa ipinost niya sa Instagram, sinabi ni Cristeta na sinimulan niya agad ang pagte-training kabilang na riyan ang fittings at photoshoots pagkatapos makuha ang kanyang titulo at korona noong October, 2025.

Pero pagsapit ng January, 2026, "the organization informed me that they would no longer be able to fully support my participation."

View this post on Instagram

A post shared by 𝘾𝙧𝙞𝙨𝙩𝙚𝙩𝙖 (@cristeta.l)

Binigyan daw siya ng dalawang options: "extend her reign until 2027 to receive full support, or compete this year without it." Nagdesisyon daw siyang maghintay.

Nagkasundo ang dalawang kampo na maglalabas ng joint statement tungkol sa isyu at nang mabasa raw niya ito, "It was vague and did not reflect my reality as the titleholder."

Patuloy pa niya, "Weeks turned into months. Despite repeated follow-ups, we were met with silence or vague assurances. The prolonged delays and lack of transparency have been deeply disheartening.

"The manner in which these events unfolded left me feeling dismissed and diminished as the titleholder," ani Cristeta.

Dagdag pa niya, "Sometimes, choosing yourself means holding your ground and stepping back when the process no longer aligns with the values you started with."

Nagbigay din siya ng mensahe sa kanyang supporters, "To everyone who stood beside me and reminded me of my worth, thank you from the bottom of my heart.

"This is not the end of my journey, only a pause to realign with what matters most," aniya pa.

Bukas ang BANDERA sa magiging opisyal na pahayag ng Miss Universe Philippines Organization sa mga rebelasyon ni Cristeta.

The post Miss Universe PH Benguet 2026 Cristeta Longey nag-resign, may ibinuking!? appeared first on Bandera.