Atty. Joji Alonso sa oath taking ni Nico Antonio: ATERNI ka na talaga!

PROUD na proud ang abogado at producer na si Atty. Joji Alonso sa kanyang anak na character actor na si Atty. Nico Antonio.

Yes! Opisyal nang sumumpa si Nico o Jerico Alonso Antonio sa tunay na buhay bilang isang abogado matapos makapasa sa 2025 bar examinations.

Ibinandera mismo ni Atty. Joji ang good news sa kanyang Instagram account kalakip ang mga litrato nila ng anak na kuha sa oath taking ceremony.

Naganap ito last February 6, Friday morning, sa Philippine Arena sa Bulacan kung saan nanumpa nga si Nico kasama ang 5,571 iba pang successful bar passers na kabilang na ngayon sa Philippine Bar.

Ani Atty. Joji sa caption ng kanyang post, "Ayan, dotted na ang Atty. After passing the bar exams, oath taking and then signing of the rolls naman.

View this post on Instagram

A post shared by Nico Antonio (@welovetolayts)

"My first time to experience an oath taking, not my own. For my 2 other children, there was no room for the parents.

"Had to be up at 3.30AM for this. But it was worth the lack of sleep. Congratulations Nico! ATERNI ka na talaga!" ang mensahe pa ng movie producer.

Sa panayam ni Bernadette Sembrano kay Nico para sa YouTube channel nito, inamin ng aktor nagdesisyon na siyang mag-take ng bar last year matapos mag-graduate sa law school more than a decade ago.

"Balak ko sana mag-bar (exams) but my mom dissuaded me. My wife dissuaded me also. Sabi nila, especially my mom, sabi niya, 'Hindi kita nakikitang abogado. You don't have the lawyer material in you.'

"Siguro 'yung the way I compose myself, the way I present myself to the public, my temper, I have a temper kasi, and I am very emotional.

"So ang abogado daw is dapat kontrolado niya 'yung emotions niya, very cerebral, hindi mo ipapahalata sa tao o sa kalaban mo lalo na naiinis ka na, galit ka na, dapat hindi.

"Hindi ako ganu'n at that time. So sabi niya, 'Huwag kang mag-bar baka hindi mo kayanin 'pag hindi ka pumasa 'yung depression.' I took it sa puso ko, nakinig ako, hindi ako nag-bar," pahayag ni Nico.

Nag-focus muna siya sa kanyang acting career that time hanggang sa maisipan niya uling kausapin ang ina at asawa.

"I went back to my mom. I asked permission from her, sabi ko pwede ba ako mag-take ng bar? (Sabi niya), 'Paano 'yung trabaho mo?' Eh di pagsasabayin ko. (Sabi niya), 'Okay.' Oh, wow. I went to my wife, asked permission from her, she said the same thing.

"'Yun lang kailangan ko 'yung approval nila and 'yung trigger na 'yung 62-year-old na pumasa na first time taker," sabi ng aktor.

The post Atty. Joji Alonso sa oath taking ni Nico Antonio: ATERNI ka na talaga! appeared first on Bandera.