Luke Jickain tagumpay sa bar exams, isa sa inspirasyon sa ‘Bar Boys’

PHOTO: Facebook/Luke Jickain

BUKOD kay Nico Antonio, isa na ring abogado ang aktor at model na si Luke Jickain matapos pumasa sa 2025 Bar Examinations!

Sa Facebook, proud na ibinandera ng aktor ang kanyang tagumpay sa buhay kung saan makikita ang kanyang graduation photo sa Arellano University at screenshot na nakalista ang kanyang pangalan sa mga passers.

Simple lang ang naging caption ni Luke na ang nilagay lamang ay emojis na naka-panalangin at Scales of Justice.

<iframe src="https://www.facebook.com/plugins/post.php?href=https%3A%2F%2Fwww.facebook.com%2Fluke.jickain.2025%2Fposts%2Fpfbid0RYGTCQziew96zUE8mbBzA2z7PM6vATpYFhcoKnCMggMthAt71zHcBQkNwh8xbp3el&show_text=true&width=500" width="500" height="396" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe>

Baka Bet Mo: Atty. Joji Alonso super proud kay Nico Antonio, pinagsabay pagre-review at trabaho

Makikita rin sa social media na kinilala siya ng pelikulang "Bar Boys" at ibinunyag na siya ang naging inspirasyon para sa karakter na si Joshua Zuñiga, na orihinal na ginampanan ni Kean Cipriano sa nasabing pelikula at "Bar Boys: After School." 

Sa musical adaptation naman, ginampanan ni Omar Uddin ang karakter ni Joshua.

"Congratulations to former model and actor, now lawyer Luke Jickain," bungad sa caption.

Kwento pa, "In 2017, he was the basis for Joshua Zuñiga in Bar Boys. He went back to law school and became the basis of the character in Bar Boys: After School and passed the bar on his first take."

Mensahe pa ng FB page: "Congratulations as well to Nico Antonio who had a cameo as the guard and owner of Toby. Congrats sa mga bagong attorney!"

<iframe src="https://www.facebook.com/plugins/post.php?href=https%3A%2F%2Fwww.facebook.com%2FBarboysfilm%2Fposts%2Fpfbid02fyudGtZ3f7nJQgZVZHCtGfa1RzJ4erCW1Gj1jsn76xryxUdfE8kryW8wd9PVTwPnl&show_text=true&width=500" width="500" height="524" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe>

Sa pelikula, nakatakdang sabayan ni Joshua ang kanyang best friends na sina Erik Vicencio (Carlo Aquino), Chris Carlson (Enzo Pineda), at Torran Garcia (Rocco Nacino) sa law school, pero nabigo sa entrance exam. 

Ngunit hindi sumuko si Luke kung saan nag-showbiz muna siya, bumalik sa law school, at sa wakas ay pumasa sa Bar!

Bago tuluyang iwan ang mundo ng showbiz, tampok si Luke sa mga episode ng "Maaalala Mo Kaya", "Maria la del Barrio", "Marina", at "Imortal", pati na rin sa pelikulang "Way Back Home."

Siya rin ay kapatid ni Martin Jickain na dating asawa ni Aiko Melendez.

Samantala, ayon sa datos ni Supreme Court Justice Amy Lazaro-Javier, mula sa 11,420 examinees, 5,594 ang pumasa sa Bar.

Ibig sabihin, mga 49% o halos kalahati ang nagtagumpay. 

At ang nag-top sa Bar ay si Jhenroniel Rhey Timola Sanchez mula sa University of the Philippines.

The post Luke Jickain tagumpay sa bar exams, isa sa inspirasyon sa 'Bar Boys' appeared first on Bandera.