MLBB hahataw sa SEA Games 2025, Pilipinas lalaban sa ‘SEA The Glory’

TATLONG beses nang nasaksihan ang Mobile Legends: Bang Bang (MLBB) sa SEA Games, at muli itong ng sasabak ngayong 2025 bilang official medal event!

Simula December 12 hanggang 17, aatake na naman ang mga paborito nating heroes sa Chulalongkorn University sa Thailand, kasama ang men's at women's categories.

Sa temang "SEA The Glory," layunin ng MLBB na hindi lang maghatid ng intense na laban, kundi pagsamahin ang milyon-milyong fans at bigyang-daan ang mga atleta na mula sa pagiging local players ay maging international esports icons.

Hindi rin ito basta-basta dahil record-holder ang MLBB bilang most-watched esports event in SEA Games history na umabot sa 1.4 million peak concurrent viewers ang men's category at 1.3 million para sa women's noong 32nd SEA Games sa Cambodia!

Baka Bet Mo: 'Magic Chess: Go Go' may GO1 World Championship; tampok din sa 33rd SEA Games

Inaabangan na ng buong rehiyon ang mga susunod na chapters ng SEA Games MLBB storylines, kabilang na ang historic rivalries, redemption arcs, at bagong bayani na magpapakitang-gilas para sa kani-kanilang bansa.

As usual, pasok na naman ang mga powerhouse tulad ng Pilipinas, Indonesia, at Malaysia, habang nakatutok din ang fans sa Myanmar na gustong magsulat ng panibagong legacy sa MLBB esports.

Narito ang nakatakdang schedule para sa inaabangang tournament:

Group Stage: December 13–14
Knockout Stage: December 15–16
Grand Finals: December 17

<iframe src="https://www.facebook.com/plugins/post.php?href=https%3A%2F%2Fwww.facebook.com%2Fmplph.official%2Fposts%2Fpfbid0qci4QQaEJaUHQS2WEUeGTam9h5uNnaJSErQXafGfYYvKHffhcUo8Wo1742DUjWnXl&show_text=true&width=500" width="500" height="671" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe>

"MLBB's inclusion in the 33rd SEA Games for the fourth time is a testament to its cultural significance," sey ni Ray Ng, ang Head of Esports Ecosystem ng MOONTON Games, sa isang pahayag.

Hirit naman ni Santi Lothong, presidente ng Thailand Esports Federation at Asian Electronic Sports Federation: "Thailand is thrilled to welcome MLBB back to the SEA Games stage."

Simula nang maging medal event ang MLBB noong 2019, hindi pa natatalo ang Pilipinas sa men's division!

Sa women's side naman, Indonesia ang defending champion at handang ipagtanggol ang kanilang korona ngayong 2025.

Para sa mga hindi aware, ang MLBB ay nasa SEA Games mula pa noong 2019, na nakasama sa unang esports titles sa medal event.

At hindi lang 'yan, official din itong event sa 2026 Asian Games na nagpapatunay na ang MLBB ay pang-world stage na talaga.

Bilang dagdag sa kasiyahan, papasok din sa SEA Games scene ang "Magic Chess: Go Go" bilang demonstration sport, sign na tuloy-tuloy ang paglawak ng MOONTON Games sa esports ecosystem.

Kasama sa MLBB delegations ang mga atleta mula Indonesia, Philippines, Malaysia, Singapore, Cambodia, Myanmar, Vietnam, Laos, Timor-Leste, at siyempre ang host country na Thailand.

The post MLBB hahataw sa SEA Games 2025, Pilipinas lalaban sa 'SEA The Glory' appeared first on Bandera.