Isang Kompanya, Inirereklamo Matapos na Magpasweldo sa Kanilang Empleyado ng Puro Sentimos!

Ang mga manggagawa ay may mga karapatan din na maglabas ng kanilang saloobin lalo na kung hindi na tama ang ginagawa ng kanilang amo o kompanyang pinapasukan. May ilan na kompanya na umaabus0 at hindi tama ang ginagawa sa kanilang mga empleyado. Ngunit gayunpaman ay hindi naman lahat ng kompanya ay ganito dahil marami sa mga kompanya ang nagbibigay ng tamang benepisyo para sa kanilang mga empleyado.

Isang facebook post naman ang viral ngayon sa social media. Itinawag ang pansin ng isang concerned netizen ang reklamo laban sa kompanyang hindi tama ang pasahod sa empleyado. Ang concerned netizen ay lumapit kay Mayor Rex Gatchalian upang ireklamo ang kompanyang Next Green.

Ayon sa naturang post, pinasahod umano ng naturang kompanya ang kanilang empleyado na tag-5 at 10 sentimos. At hindi din umano tama ang pasahod nito dahil Php528 lamang ang katumbas ng 12-oras.

Dahil dito ay naagaw ang pansin ni Mayor Gatchalian ang reklamong ito. Nakapanayam niya ang kintawan ng Next Green Factory at ang empleyadong binigyan nila ng dalawang araw na sahod na Php1,056 na puro sentimos.

Iginiit naman ni Mayoy Gatchalian na ang mga manggagawa ay dapat tratuhin nang naaayon upang huwag maging demoralisado. Ayon sa ulat, magpapatawag pa umano ng isa pang pagpupulong si Mayor Gatchalian upang talakayin ang reklamo sa may-ari ng kumpanya, na kasalukuyang out of town.

Source: Noypi Ako