Ilang Senador, Suportado sa Pagtatayo ng Bulacan International Airport

Tiwala umano sina Senators Christopher “Bong” Go at Richard Gordon na ang bagong Manila International Airport project sa Bulacan ay daan para ma-decongest ang Metro Manila at iba pang metropolitan areas.

Positibo rin sila Bong Go at Gordon na maghahatid ito ng economic opportunities sa labas ng Metro Manila dahil tiyak na hihikayat ito ng maraming mga investors.

Ayon kay Bong Go ay magbibigay rin ito ng kabuhayan sa maraming Pilipino lalo na sa mga nawalan ng trabaho dahil sa pandemya.

Ipinagmalaki naman ni Richard Gordon na ang proyekto ay umaayon sa layunin ng inihain niyang RICH bill o Regional Investment and Infrastructure Coordinating Hub para sa Central Luzon.

Ang proposed Bulacan International Airport na popondohan ng ₱735.6 billion ay magkakaroon ng kapasidad para sa 100 milyong pasahero kada taon na tatlong beses na mas malaki kumpara sa kapasidad ng Ninoy Aquino International Airport.

Source: Noypi Ako