DOH sa ‘emergency lockdown’ dahil sa COVID-19 variant: WALANG KATOTOHANAN!

NAGBABALA ang Department of Health (DOH) laban sa kumakalat na balita na may emergency lockdown sa bansa simula April 10 dahil sa tinawag na "Cicada" variant ng Covid-19.

Sa isang Facebook post, iginiit ng DOH na "fake news" ang posts ng Facebook pages ng "Pinoy Newswire," "Malasakit News Update: Balitang Sapat, Serbisyong Totoo," at "Weather Patrol," na makikita pa ang screenshots nito.

"Binibigyang-diin din ng DEPARTMENT OF HEALTH na WALANG KATOTOHANAN ang kumakalat na balitang may emergency lockdown sa bansa dahil sa COVID-19 Cicada Variant," sey ng ahensya.

Dagdag pa, "Walang dahilan para mabahala o mag-lockdown. Nauna nang inihayag ng ahensya nitong March 31, 2026 na nananatiling ligtas ang Pilipinas sa variant na ito."

Baka Bet Mo: DOH nagbabala: Ang paninipol, bastos na comment ay sexual harassment

Pinayuhan din ng DOH ang publiko: "Iwasan ang pag-share ng fake news na ngayon ay naglipana sa social media. Alamin ang tamang impormasyon sa official Facebook page ng DOH o ang opisyal nitong anunsyo sa mga lehitimong media platforms."

Ani pa nila para sa mga nag-aalala ngayong Semana Santa, "Makaaasa namang tuloy-tuloy ang serbisyo ng DOH Hospitals sa bansa ngayong Semana Santa, at bukas sa kahit na sinong mangailangan ng tulong."

<iframe src="https://www.facebook.com/plugins/post.php?href=https%3A%2F%2Fwww.facebook.com%2FDOHgovPH%2Fposts%2Fpfbid02md9ctRP75m5FeKaLKFZ5nxR4862Z5KskfEZRQoWzpSS4T8pv1bhwdvCPfs7LjTi5l&show_text=true&width=500" width="500" height="641" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe>

Ayon naman sa United States Centers for Disease Control and Prevention (CDC), unang natuklasan ang Covid variant BA.3.2 o "Cicada" sa isang respiratory sample noong November 2024 sa South Africa.

Ulat ng CDC as of February 11, naitala na ang variant sa 23 bansa at nagsimulang tumaas ang kaso sa US noong September 2025.

Sa isang radio interview sa DZMM Teleradyo noong March 31, sinabi ni DOH spokesperson Dr. Albert Domingo na habang nagmu-mutate ang coronavirus, hindi ito dahilan para mangamba.

"In fact, based on our latest monitoring, there are 60% fewer Covid-19 cases in the Philippines compared to last year," paliwanag ni Domingo.

Samantala, tinawag ding "fake news" ng Malacañang ang kumalat na anunsyo ng Department of Energy (DOE) na magkakaroon ng energy lockdown simula April 20.

The post DOH sa 'emergency lockdown' dahil sa COVID-19 variant: WALANG KATOTOHANAN! appeared first on Bandera.