Kampo ni Anne Curtis umalma sa malisyosong pahayag ni Suntay: Unacceptable!

MARIING kinondena ng legal counsel ng Kapamilya actress na si Anne Curtis ang umano'y bastos na pahayag ni Bong Suntay tungkol sa kanya.

Sa inilabas na pahayag ng law firm na Gorriceta Africa Cauton and Saavedra sa kanilang Facebook page, sinabi nilang hindi katanggap-tanggap ang naging komento ng kongresista.

"Recent remarks made during a congressional committee hearing, in which Ms. Curtis-Smith's name was mentioned in a lewd and objectifying manner, are clearly inappropriate and unacceptable," giit sa opisyal na pahayag.

Dagdag pa ng kampo ng aktres, hindi dapat ginagawang paksa ng sekswal na komento ang sinumang babae, kilala man o pribadong indibidwal.

Baka Bet Mo: Misis ni Bong Suntay kumampi, nag-sorry kay Anne Curtis: 'I stand with you!'

"No woman—whether a public figure or a private citizen—should be publicly spoken about in a way that reduces her to the subject of sexual commentary," wika pa.

Dagdag pa, "Statements of this nature are degrading and have no place in any forum, much less in proceedings of Congress where public officials are expected to uphold the dignity of others and maintain respectful public discourse."

Binanggit din ng law firm na matagal nang kinikilala sa batas ng Pilipinas ang kahalagahan ng paggalang sa kababaihan, tulad ng Safe Spaces Act at Magna Carta of Women.

"It is therefore especially unfortunate that these remarks surfaced during National Women's Month, a time when the nation is called upon to reaffirm its commitment to gender equality and the dignity of women," saad sa statement.

Ani pa, "Let this moment serve as a reminder that women deserve respect everywhere. Language that demeans or objectifies women has no place in public discourse, particularly in spaces where words carry the weight of public trust."

<iframe src="https://www.facebook.com/plugins/post.php?href=https%3A%2F%2Fwww.facebook.com%2Fgorricetalaw1%2Fposts%2Fpfbid0NGpYXtnVafibb7hkwLPqydz4RceG66rJxHg1jU6Wa7u8jiEHJ8uBd8ZvWp87n4qnl&show_text=true&width=500" width="500" height="497" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe>

Magugunitang naging kontrobersyal ang pahayag ni Suntay sa pagdinig ng House of Representatives of the Philippines kaugnay ng impeachment complaints laban kay Vice President Sara Duterte.

Sa kanyang talumpati, ginamit ng kongresista ang aktres bilang halimbawa habang ipinapaliwanag ang ideya ng "imagination."

"Alam n'yo minsan, minsan nasa Shangri-La ako, nakita ko si Anne Curtis, ang ganda-ganda pala niya. You know, may desire sa loob ko na, nag-init talaga, na-imagine ko na lang kung ano'ng pwedeng mangyari pero siyempre hanggang imagination na lang 'yon. Pero 'di naman siguro ako pwedeng kasuhan kung ano ang na-imagine ko eh," sambit niya.

Agad itong kinuwestiyon ng ilang miyembro ng House Committee on Justice at kalaunan ay ipinabura sa opisyal na rekord ang naturang pahayag.

Samantala, umalma rin ang kapatid ni Anne na si Jasmine Curtis-Smith at iginiit na hindi lang tungkol sa kanyang ate ang isyu, kundi tungkol sa lahat ng kababaihan.

Nakisawsaw din sa usapin ang kanilang ina na si Carmen Curtis-Smith at kinondena ang naging komento ng kongresista.

Marami ring celebrities ang naglabas ng saloobin sa social media at nagpahayag ng pagkadismaya, kabilang na sina Jodi Sta. Maria, Bianca Gonzalez, Nadine Lustre, Vice Ganda, Karen Davila, Atom Araullo, Pinky Webb, at marami pang iba.

Sa hiwalay namang pahayag, nag-sorry ang asawa ng kongresista na si Sheila Guevara Suntay at nilinaw na hindi siya at ang kanilang mga anak ay sang-ayon sa naging pahayag nito.

"To Anne Curtis and her family—I am deeply sorry. No woman should ever be spoken about that way, and I understand if words alone feel insufficient. Please know that my heart goes out to you, and I stand with you," mensahe niya sa aktres.

The post Kampo ni Anne Curtis umalma sa malisyosong pahayag ni Suntay: Unacceptable! appeared first on Bandera.