Michelle Dee game sa MGI All Stars 1st pageant? ‘Definitely under consideration’

MUKHANG hindi pa talaga tapos ang pageant journey ni Michelle Dee!

Tatlong taon matapos ang kanyang mataginting na laban sa Miss Universe stage, muling umingay ang pangalan ng beauty queen-actress matapos niyang aminin na posible ang pagsali niya sa kauna-unahang MGI All Stars.

Sa isang panayam sa "Almost Podcast" ni Miss International 2016 Kylie Verzosa, diretsahang inamin ni Michelle na pinag-iisipan niya ang Thailand-based pageant na bahagi ng Miss Grand International sphere.

"Am I joining? It's definitely under consideration," pag-amin ni Michelle.

Baka Bet Mo: Michelle Dee 'taken' na, sino kaya ang nagmamay-ari ng puso niya?

Ayon pa sa 2023 Miss Universe Philippines titleholder, marami pa siyang kailangang linawin lalo't unang edisyon pa lamang ito ng nasabing pageant.

"It's the first edition, and I still have a lot of questions. If the question is, do I want to join? Do I want to represent my country again? Do I feel like there's a fight left in me? Of course, there is, which is why I never say I am closing my doors on my pageant journey," dagdag pa niya.

Nilinaw rin ni Michelle na hindi pa siya nagsasara ng pinto sa mundo ng pageantry, pero hindi rin basta-basta ang magiging desisyon dahil maraming aspeto ng buhay niya ang maaapektuhan.

"But I don't have a yes or a no because it is coming so soon, schedules will be affected, and contracts will be affected. It's more than just the passion of it, but what will be affected in my personal life if I do it," paliwanag niya.

Ayon kay Michelle, exciting ang konsepto ng MGI All Stars dahil tampok dito ang mga beteranang beauty queen na may "something left to give."

Aminado si Michelle na may bahagi sa kanyang puso na gustong bumawi at itama ang naging takbo ng kanyang pageant journey.

Magugunitang nagtapos siya ng Top 10 sa Miss Universe 2023 sa El Salvador at ang nagwagi ng korona ay si Sheynnis Palacios ng Nicaragua.

"I feel like, with how my pageant ended, there was so much controversy that I can't help but want to redeem that side of my journey," sambit niya.

Hindi rin niya itinangging masarap sa pakiramdam ang ideya ng ikatlong korona para sa kanilang pamilya: "It's like there are a lot of pluses, but it doesn't come without sacrifice."

Dagdag pa niya, "Those sacrifices are also very expensive, also can affect a lot of things, so I don't have an answer for it yet. But the interest is there."

Samantala, dalawa nang Pinay queens ang kumpirmadong sasabak sa MGI All Stars finals, ang Miss International Queen 2022 na si Fuschia Anne Ravena at ang reigning Noble Queen of the Universe na si Alexia Nuñez.

Ang nasabing global tilt na orihinal na naka-iskedyul sa Pebrero ay inilipat na sa May 30, kaya naman abangan kung tuluyan bang sasabak si Michelle Dee sa panibagong pageant showdown.

The post Michelle Dee game sa MGI All Stars 1st pageant? 'Definitely under consideration' appeared first on Bandera.