Josh Groban napa-wow kay Julie Anne San Jose, may song collab?
BONGGA ang natatanggap na papuri ng Limitless Star na si Julie Anne San Jose mula sa kanyang kapwa singers – mapa-local man o international.
Sa katunayan, nabanggit ng award-winning singer-songwriter na si Josh Groban na gusto nitong maka-collaborate ang Kapuso Star.
Sey ng international singer sa interview ng GMANetwork, "I hope to collaborate with Julie Anne San Jose, who's an incredible singer and would love to meet her and sing with her at some point."
Ito ay matapos ding ipahayag ni Josh ang kanyang paghanga sa mga magagaling at palabang singer sa Pilipinas.
"You have such incredible artists as well in the Philippines that are so inspiring, some incredible singers in the Philippines.
"I have actually not ever met somebody from the Philippines who didn't, at least a little bit, have an amazing voice," pahayag ni Josh.
Matatandaan na nagkaroon ang singer-songwriter ng project kasama sina "The Clash" coach at Asia's Romantic Balladeer Christian Bautista at Pride of the Philippines Lea Salonga.
Hirit tuloy ng fans ni Julie, "I couldn't agree more Julie Anne San Jose is an incredibly talented singer. I love her so much!"
Magkaroon nga kaya ng chance para sa isang collab between Julie Anne and Josh sa pagdating nito sa Pilipinas para sa kanyang "GEMS World Tour" sa SM Mall of Asia Arena ngayong February 18?
Abangers na ang lahat ng supporters nina Julie at Josh!
The post Josh Groban napa-wow kay Julie Anne San Jose, may song collab? appeared first on Bandera.
Reviewed by pinoyako
on
January 10, 2026
Rating:
No comments: