Ferdinand Topacio kontra sa best actor award ni Vice Ganda, mas bet si Piolo
DIRETSAHANG ibinandera ni Atty. Ferdinand Topacio na mas bet niyang manalong best actor si Piolo Pascual kesa kay Phenomenal Box-office Star Vice Ganda.
Itinanghal na Pinakamagaling na Aktor si Vice sa Metro Manila Film Festival 2025 para sa natatanging performance niya sa entry ng Star Cinema, Viva Films at IdeaFirst Company na "Call Me Mother".
Pero lantarang sinabi ni Atty. Topacio sa madlang pipol na mas boto siya kay Piolo na manalong Best Actor para sa pelikulang "Manila's Finest" under MQuest Ventures, Cignal TV and Spring Films.
Sa naganap na presscon para sa pelikulang "Spring in Prague" na ipinrodyus ng pag-aaring movie outfit ni Atty. Topacip na Borracho Films, nagbigay nga ng saloobin ang kilalang abogado at movie producer tungkol sa nakaraang MMFF.
"Maganda 'yung acting ni Vice, to be fair. But over Piolo Pascual as well in the 'Manila's Finest,' no way! No effing way!" ang mariing pahayag ni Topacio na napanood daw pareho ang dalawang pelikula.
Bukod dito, muling iminungkahi ni Topacio na alisin na sa pangangasiwa ng Metro Manila Development Authority (MMDA) ang taunang MMFF.
Dapat na raw itong ibigay sa FDCP (Film Development Council of the Philippines) o NCCA (National Commission for Culture and the Arts) na siyang tamang ahensiya para sa pagpapatakbo ng naturang festival.
"Metropolitan Film Festival 'yan dati. Ang daming magagandang pelikula niyan. May social message.
"Ang problema kasi, you have placed the movie industry in the hands of people who know nothing about movies," aniya pa.
The post Ferdinand Topacio kontra sa best actor award ni Vice Ganda, mas bet si Piolo appeared first on Bandera.
Reviewed by pinoyako
on
January 12, 2026
Rating:
No comments: