Beauty Gonzalez proud BFF kay Ellen: She’s fuc*in sexy and beautiful!

PROUD na proud ang Kapuso actress na si Beauty Gonzalez sa kanyang BFF na si Ellen Adarna matapos itong makipaghiwalay sa asawang si Derek Ramsay.

Feeling ni Beauty, okay na okay na uli ang dating sexy star after ng pinagdaanan nitong pagsubok sa kanyang personal life, lalo na sa breakup nila ni Derek.

Nakachikahan ng BANDERA si Beauty after ng grand mediacon ng bago niyang teleserye sa GMA 7, ang "House of Lies" kung saan makakasama niya sina Kris Bernal, Martin del Rosario at Mike Tan.

Kinumusta nga namin sa kanya si Ellen na isa sa pinakamalapit na kaibigan niya sa showbiz. At kung may isang taong nagke-care sa aktres, ay si Beauty yun."Ellen is doing fine. She's fuc*in sexy and beautiful. Nakakainis! Which is good, kasi parang. di ba, you have to look beautiful, and move forward.

"So, I'm really happy for her. I'm happy for her peace of mind. That's all I can say cause I really don't like talking about my friends' so much. I really don't know what's happening in their personal lives," ang pahayag ni Beauty.

View this post on Instagram

A post shared by Bandera (@banderaphl)

Pagpapatuloy pa niya, "Basta people doesn't get your vibe, change the people not your vibes."

Sundot na tanong namin, paano niya sinuportahan si Ellen noong may pinagdaraanan ito sa kanyang failed married life.

"She doesn't need support, it's not new thing to her, it happened na before with her past relationship. So I think she knows how to handle herself. And iba talaga when you're a woman… when you have a choice. So, she's very lucky," sabi pa ng Kapuso star.

Sey pa ni Beauty, "Yeah, proud ako sa kanya. And I really don't want to talk so much kasi mahilig siyang mag-announce sa Instagram, kaya okay na yun,"

Samantala, ngayong January 19 na magsisimula ang star-studded afternoon drama kung saan gaganap si Beauty bilang Marjorie kasama si Kris Bernal bilang Althea.

Bibida rin sa serye sina Mike Tan bilang Paolo at Martin del Rosario bilang Edward, na magpapakita ng mga karakter na kakaiba sa kanilang mga dating ginampanan.

Bahagi rin ng powerhouse cast ang mga beteranong artista na sina Jackie Lou Blanco, Lito Pimentel, at Snooky Serna. Kasama rin ang Sparkle artists na sina Kayla Davies, Angel Cadao, Geo Mhanna, at Kokoy de Santos. Kukumpleto sa serye ang mga karakter nina Tanya Gomez, Patricia Tumulak, Gee Canlas.

Mula sa direksyon ng batikang si Jerry Lopez Sineneng, kasama si Carlo Antonio Cannu bilang associate director, ang House of Lies ay isang kapana-panabik na kuwento tungkol sa pamilya at kanilang mga sikretong pilit na itinatago.

Panoorin ang "House of Lies" tuwing Lunes hanggang Biyernes, 3:20 p.m. sa GMA Afternoon Prime. Mapapanood din ito ng Global Pinoys sa GMA Pinoy TV.

The post Beauty Gonzalez proud BFF kay Ellen: She's fuc*in sexy and beautiful! appeared first on Bandera.