Nawat Itsaragrisil nag-sorry kay Miss Universe Mexico 2025 Fatima Bosch

NAG-PUBLIC apology na si Nawat Itsaragrisil matapos hiyain at bastusin si Miss Universe Mexico 2025 Fatima Bosch sa sashing ceremony para sa mga kandidata ng Miss Universe 2025.

Kaliwa't kanang batikos ang natanggap ni Nawat mula sa iba't ibang panig ng mundo dahil sa ginawang panlalait kay Bosch na nag-walkout nga sa naturang event ng 74th Miss Universe.

Sa mga hindi pa aware, si Nawat ang vice-president for Asia and Oceania at head ng organizing committee ng Miss Universe Organization (MUO). Siya rin ang founder ng Miss Grand International pageant.

Nag-viral sa social media ang video kung saan makikita ang pagwo-walkout ni Bosch sa venue ng event matapos ang engkuwentro nila ni Nawat. Ilang kandidata ang nakisimpatya kay Miss Mexico na nag-walkout din.

Ayon sa mga ulat, tinalakan at ininsulto ni Nawat si Bosch matapos umano itong tumanggi sa isang sponsor photo shoot. Tinawag pa raw ni Nawat ang beauty queen ng "dumb".

Kasunod nito, matapos mabatikos sa social media, nag-live si Nawat sa TikTok para mag-sorry sa nangyari. Na-carried away lang daw siya dahil sa stress at matinding tensiyon.

Magkakasunod daw kasi ang hinaharap nilang problema bago ganapin ang grand coronation night sa Thailand sa November 21.

Paliwanag pa ni Nawat, "I always try to take care of everyone, to give a higher standard, five-star service. I prepare everything for everybody, every country—that I wish to make a history of Miss Universe with the organization.

"This is my dream, but I know sometimes many conditions happen.

"If anything happened today; you are not happy; some delegate feeling not comfortable, I do apologize, and also [to] the fans around the world too. But please understand our side too.

"I did talk, apologize to the rest of the girls in the room. Around 75 girls in the room already," aniya pa.

Nag-post din si Nawat sa Instagram Stories ngayong araw, November 5, ng kanyang mensahe sa buong universe, pati na ang muli niyang paghingi ng tawad.

Sabi ni Nawat (base sa English translation ng Google), "I invested and tried my best to make this event and fair to everyone but it's hard to control because the daily events of being posted by the leaning makes it harder for him to reach the miss.

"Sorry universe fans I can only do this because my patience has a limit. Sorry again if I make anyone uncomfortable watching universe this time."

Makikipag-usap din daw si Nawat sa iba pang opisyal ng MUO sa Thailand at sa Miss Universe Mexico organization para personal na humingi ng tawad.

Nauna rito, nagbigay din ng pahayag si MUO President Raul Rocha para kondenahin ang pang-iinsulto ni Nawat kay Miss Mexico.

"I would like to make it clear my great indignation toward Nawat for the public aggression he committed against Fatima Bosch, Miss Universe Mexico, whom he humiliated, insulted and he showed a lack of respect, in addition to the serious abuse of having called security to intimidate a defenseless woman, trying to silence and seclude her.

"NAWAT, YOU NEED TO STOP. Every woman in the world should be respected," aniya.

The post Nawat Itsaragrisil nag-sorry kay Miss Universe Mexico 2025 Fatima Bosch appeared first on Bandera.