Humiling na Makapasa Lang, Topnotcher sa 2022 Nursing Licensure Exam!

Napakadali daw na sabihin ang salitang "topnotcher" pero napakahirap bago mo maabot ito. Kadalasan sa mga kumukuha ng exams ay hinihiling na makapasa lang, kahit na huwag nang makasama sa Top 10. Ngunit sabi nga nila, mas higit pa sa hiniling mo ang ibibigay ng Diyos sa'yo. Bago marating ni Farrah Grace Piscos Aton ang 9th placer sa May 2022 Nursing Licensure Examination ay marami siyang pinagdaanan.

Nagsimula ito noong siya ay nasa kolehiyo. Bago kuhanin ni Farrah ang kursong nursing ay nauna siyang naging BS Psychology sa ibang unibersidad. At saka palang siya nagshift sa kursong nursing sa Southwestern University PHINMA.

Ngunit nahirapan si Farrah na mag-adjust sa kanyang kurso lalo na at online class. Pero sa lahat ng hirap na naranasan ni Farrah ay nakatapos siya ng kolehiyo.

Sa pagkuha niya ng Nursing Licensure Examination ay nagkaroon siya ng pagsubok. Apat na araw kasi bago magsimula ang review ni Farrah para sa exam ay humagupit ang bagyong Odette sa Cebu at isa si Farrah sa mga naapektuhan.

Subalit sabi nga nila, kapag tapos ng ulan ay may lalabas na bahaghari. Nag top 9 si Farrah sa kanyang exam at hindi niya ito lubos akalain.

Source: Noypi Ako