Tito Sotto sinipa bilang Senate President, pinalitan ni Alan Cayetano

TINANGGAL sa pwesto si Senate President Vicente “Tito” Sotto III at pinalitan siya ni Senador Alan Peter Cayetano sa sesyon ng Senado ngayon hapon, May 11.

Labing-tatlong senador ang bumoto para maalis sa pwesto si Sotto, na pinamunuan ang Senado ang 20th Congress noong nakaraang September 8 at pinalitan niya si Sen. Francis “Chiz” Escudero.

Bumaligtad mula sa majority bloc sina Sens. Loren Legarda, Mark at Camille Villar, at Pia Cayetano.

Bukod sa kanila, pumabor naman sa pagpapalit ng liderato ang minority bloc na kinabibilangan nina Cayetano, Joel Villanueva, Francis Escudero, Dante Marcoleta, Robin Padilla, Bong Go, Bato dela Rosa, Jinggoy Estrada, at Imee Marcos.

Baka Bet Mo: Tito Sotto: Kung ako si Bato hindi na ako tatanggap ng sweldo

Bukod kay Sotto, hindi naman pumabor sa resolusyon para sa pagpapalit ng liderato sina Sens. Ping Lacson, Risa Hontiveros Francis Pangilinan, Bam Aquino, Erwin Tulfo, Raffy Tulfo, Sherwin Gatchalian, at Lito Lapid.

Hindi naman bumoto sina Sens. Juan Miguel Zubiri at JV Ejercito.

Sa nakalipas na mga araw, paulit-ulit na sinabi ni Sotto ipinasasakamay niya sa mga kapwa senador ang kanyang kapalaran bilang pinuno ng Senado.

The post Tito Sotto sinipa bilang Senate President, pinalitan ni Alan Cayetano appeared first on Bandera.