‘Drug War: A Conspiracy of Silence’ may official trailer na, star-studded cast tampok

IBINANDERA na ang official trailer ng paparating na limited series na “Drug War: A Conspiracy of Silence,” na hatid ng KC Global Media at Rein Entertainment!

At agad itong umani ng interes mula sa mga netizen dahil sa mabigat at kontrobersyal nitong tema.

Pinagbibidahan ito ng powerhouse cast na kinabibilangan nina Ian Veneracion, Jane Oineza, Harvey Bautista, John Arcilla, Lotlot De Leon, Romnick Sarmenta, Yayo Aguila, Joem Bascon, Ryan Eigenmann, Art Acuña, Gabby Padilla, at Miggy Jimenez.

Sa opisyal na pasilip, mapapanood ang matinding salpukan ng katotohanan at katahimikan sa gitna ng mga isyung may kinalaman sa Philippine drug war.

Baka Bet Mo: Robin sakaling hulihin si Bato sa Senado: Mamamatay na kaming dalawa du’n

<iframe src="https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F995570642920163%2F&show_text=false&width=267&t=0" width="267" height="476" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share" allowFullScreen="true"></iframe>

Sa kwento, ginagampanan ni Ian Veneracion ang papel ni Fr. Tom Carillo, isang pari na nawalan na ng lahat at pilit na bumabangon sa gitna ng krisis ng kanyang pananampalataya.

Kasama niya si Jane Oineza bilang si Yana Macabeo, isang pulis na may mabigat na konsensya.

Si Harvey Bautista naman ay gaganap bilang Kiko Agustin, isang dating protégé ni Fr. Tom na sentro ng misteryosong pagkamatay.

Ang serye ay isinulat at idinirek ni Shugo Praico, na kilala rin bilang creator ng “Bagman” at award-winning filmmaker para sa “Nanahimik ang Gabi.”

Co-executive producer naman nito sina Emmy Award-winning executives Andy Kaplan at George Chien ng KC Global Media.

Inaasahang mapapanood ngayong taon ang “Drug War: A Conspiracy of Silence”, habang hinihintay pa ang mga anunsyo tungkol sa streaming at broadcast partners nito sa loob at labas ng bansa.

The post ‘Drug War: A Conspiracy of Silence’ may official trailer na, star-studded cast tampok appeared first on Bandera.