Tuesday Vargas rumaket, 1st time mag-host sa kiddie party: Laban tayo always!

MATAPOS maghanap ng trabaho online, nabigyan ng hosting gig ang comedienne-actress na si Tuesday Vargas kamakailan lang.

Sa isang Facebook post recently, ibinalita ng komedyana na ginawa siyang host sa isang first birthday party na ginanap sa isang fast-food chain.

"First time kong ma-hire sa 1st birthday," sey niya.

Wika pa niya, "Salamat po sa aking mababait na clients. PM lang po guys! Baka pati pag mascot pasukin ko na din, bakit? Mahirap 'yun at disenteng trabaho. Laban tayo always!"

Baka Bet Mo: Tuesday Vargas tinawag na laos, attitude, walang career: Wala akong pake!

<iframe src="https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F1011460118717829%2F&show_text=false&width=267&t=0" width="267" height="476" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share" allowFullScreen="true"></iframe>

Magugunitang ibinandera ni Tuesday sa social media na bukas siyang tumanggap ng projects at nanawagan sa mga filmmaker, producer at writer na mabigyan siya ng trabaho.

Dahil diyan, umani siya ng halo-halong reaksyon mula sa netizens.

Pero ayon sa komedyana, hindi siya naapektuhan ng mga kritisismo at mas pinili niyang mag-fokus sa mga oportunidad na makakatulong sa kanya para kumita.

"I asked nicely and with dignity. I was not looking for a handout, but instead an opportunity to use my skills in a way that will produce income," pahayag ng aktres, na sumubok na rin ngayon sa live-selling.

Dagdag niya, "Alam kong may tinuturo ang Diyos sa akin sa season na ito ng aking buhay. Mas lalo akong kumakapit sa kanya at lalo pa akong nagsisikap kasi hindi pa din ako natatalo hanggang sa ngayon."

"Lalo akong nagkakaroon ng motibasyong lumaban araw-araw upang ipakita sa inyo na kailanman ay hindi nakakahiya ang marangal na hanapbuhay," saad pa niya.

Aniya pa, "Lord, bless all the breadwinners and those seeking jobs, that you will also smile upon them just as you did when I prayed."

<iframe src="https://www.facebook.com/plugins/post.php?href=https%3A%2F%2Fwww.facebook.com%2Ftuesday.vargas%2Fposts%2Fpfbid0LaK4NcjaWZNgWPm3CoQUvdPdAD3PZDVni1oc71WbX9GgULwGNPzYWVDTJh1MpMM2l&show_text=true&width=500" width="500" height="749" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe>

Nauna nang ipinaliwanag ni Tuesday na bilang isang ina ay kailangan niyang magtrabaho para matustusan ang pangangailangan ng kanyang pamilya.

The post Tuesday Vargas rumaket, 1st time mag-host sa kiddie party: Laban tayo always! appeared first on Bandera.