Dia Maté, Singaporean star LAYYI sanib-pwersa sa female power anthem ‘Sour Grape’

PINAGSANIB ang talento nina Singaporean alt-pop artist LAYYI at Filipino pop girl with a purpose Dia Maté sa kantang "Sour Grape", isang sassy anthem perfect para sa Women's Month.

Ang collab song ay hindi basta heartbreak song, dahil ito'y sassy, witty, at punong-puno ng attitude.

Ayon sa record label na Radical Music PH, ang "Sour Grape" ang ultimate anthem para sa lahat ng nakakita ng ex na nagkakalat ng kwento tungkol sa kanila. Walang palusot, walang paliwanag, at walang habol.

Sa halip, ginawang patawa ng dalawa ang drama, half-truths, at mga "poor me" stories na laging ikinakalat ng iba.

Baka Bet Mo: EXCLUSIVE: Dia Maté hatid ang 2000s pop vibes sa 'Ako Lang', focus muna sa sarili

Pinapakita ng kantang ito na kayang gawing comedy ang bitterness at i-reclaim ang power sa sarili.

Punchy ang pop production, punong-puno ng confidence ang delivery, na hindi tungkol sa revenge, kundi glow-up at empowerment.

Ito ang type ng energy na pinapaalala: mag-enjoy sa buhay, at huwag pakinggan ang mga kasinungalingan.

<iframe width="560" height="315" src="https://www.youtube.com/embed/Bws0qSA99C8?si=H2OeFSkCChWac4U1" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Para kay LAYYI, kilala siya sa Singapore sa kanyang sharp emotional truths na nagiging catchy alt-pop hits na may pop-punk edge.

Sa stage, kayang niyang i-blend ang intimate storytelling sa big-chorus energy mula sa maliliit na venues hanggang sa malalaking festival stages sa Southeast Asia.

Samantala, si Dia Maté ay patuloy na nagagamit ang kanyang music para magbigay inspirasyon at empowerment.

Mula sa pagiging Spotify RADAR Artist noong 2022 hanggang sa pakikipagtulungan kay Regine Velasquez-Alcasid, pinapakita niya ang kanyang purpose-driven pop sa bawat release.

Ang "Sour Grape" ay mapapakinggan na sa lahat ng digital music platform under ng Radical Music PH.

The post Dia Maté, Singaporean star LAYYI sanib-pwersa sa female power anthem 'Sour Grape' appeared first on Bandera.