Nadine Lustre, Alden Richards bibida sa ‘Love, Siargao”, mabibiktima ng ‘sumpa’

SA kauna-unahang pagkakataon, magsasama sina Nadine Lustre at Alden Richards sa isang serye, ang "Love, Siargao."

Nakatakdang ipalabas ang first ever acting collaboration ng award-winning actress at ng Asia's Multimedia Star sa second quarter ng 2026.

Ibinandera ng Viu Philippines ang pagsasama nina Alden at Nadine sa naturang project sa pamamagitan ng kanilang official social media accounts ngayong araw, January 14.

"ASIA'S MULTIMEDIA STAR MEETS THE PRESIDENT!

"Alden Richards and Nadine Lustre are teaming up for their biggest upcoming series yet. The Siargao Magic gets real this 2026. Love, Siargao, coming soon only on Viu! " ang caption sa nasabing post.

Makakasama rin sa naturang serye ang South Korean actor na si Choi Bo-min na dating member ng K-pop group Golden Child.

May 26 episode ang "Love, Siargao" at iikot ang kuwento nito sa buhay nina Jao (Alden) at Kara (Nadine) na mabibiktima ng tinatawag na "Siargao curse."

Ayon sa matandang kapaniwalaan, "Siargao curse is a local myth which prohibits visitors from ever leaving the island or be cursed to lose their heart to love."

Tatamaan sina Jao at Kara ng magkaibang version ng sumpa na magpapabago sa kanilang "destiny."

Sabi pa ng Viu, "Love, Siargao will also be a love letter to the tourist destination, which highlights its breathtaking beaches, vibrant food scene, unique Filipino experiences, and the warmth of Filipino culture."

The post Nadine Lustre, Alden Richards bibida sa 'Love, Siargao", mabibiktima ng 'sumpa' appeared first on Bandera.