GMA Pictures nakipag-collab kay Chavit Singson; ka-join sina Shuvee, Faith

BUKOD sa mga ibinanderang lineup ng mga bonggang movie para sa 2026, may mga inilalatag pang proyekto ang GMA Pictures ngayong taon. 

Sa post ng GMA Pictures sa kanilang official social media accounts, ibinahagi nito ang pagpirma ng kontrata kasama si former Gov. Chavit Singson para sa bagong movie co-production. 

Present sa naturang contract signing sina GMA Pictures President Annette Gozon-Valdes at Pinky Tobiano. 

Naroon din ang ilang artista under Sparkle GMA Artist Center na sina Shuvee Etrata, Faith da Silva, Bianca Manalo, Skye Chua, Tim Yap, Betong Sumaya,Vanessa Peña, Alethea Ambrosio, at Jade Tecson.

Wala pang ibang detalye na inilalabas tungkol sa nasabing proyekto pero inaabangan na ito ng fans ng mga nasabing artist.

Bukod sa pagpoprodyus ng sarili nitong mga pelikula ay very open talaga ang GMA sa pakikipag-collab with other movie producers. 

Last year ay ipinalabas ang "Everything About My Wife" na co-produced with CreaZion Studios at Glimmer Studio, at ang MMFF entry na "Love You So Bad" co-produced with Star Cinema at Regal Films. 

This year ay aabangan ang horror film na "Huwag Kang Titingin" na co-produced naman ng GMA Pictures with Mentorque Productions.

The post GMA Pictures nakipag-collab kay Chavit Singson; ka-join sina Shuvee, Faith  appeared first on Bandera.