BI nagbabala sa publiko, mag-ingat sa online romance, love scams

PINAG-IINGAT ng Bureau of Immigration (BI) ang publiko sa online love scams gamit ang pangalan ng kawanihan.

Sa inilabas na babala ng BI, partikular na binanggit ang mga nakikipag-kaibigan sa mga social media at magsasabing nagpadala ng packages ngunit may kailangan na bayaran.

Payo ng kawanihan iwasan na agad buksan ang mga kahina-hinalang email at online messages.

Bukod dito, iwasan din ang pagpapadala ng pera sa mga bagong kilala.

Inilabas ng BI ang babala base sa sumbong isang babae na sinabing nakatanggap siya ng e-mail mula sa isang nagpakilalang immigration officer na sinabing may package para sa kanya mula sa kanyang banyagang kasintahan.

Paglilinaw ng kawanihan walang package o parcel na dumadaan at inihahatid ng immigration personnel.

The post BI nagbabala sa publiko, mag-ingat sa online romance, love scams appeared first on Bandera.