Korea Festival 2026 ikakasa ng KCC sa Baguio; libre pa!

PHOTO: Courtesy of Korean Cultural Center in the Philippines

ABANGAN ang bonggang K-culture experience sa tinaguriang Summer Capital of the Pilippines na Baguio City!

Dahil dadalhin diyan ng Korean Cultural Center in the Philippines ang “Korea Festival 2026” sa darating na May 9 to 10, mula 12:00 p.m. hanggang 8:00 p.m.

At ang masaya pa, LIBRE PARA SA LAHAT!

Mula nang ilunsad noong 2022, naging isa na itong flagship event ng KCC na layong ipakilala ang iba’t ibang aspeto ng Korean culture, mula tradisyonal hanggang modern K-Pop vibes na interactive, immersive, at super enjoy para sa lahat ng edad.

Baka Bet Mo: KCC may libreng Korean Beauty Fest, 10 days ang glow-up experience!

Sa festival, may iba’t ibang booths at zones na pwedeng pasyalan, kabilang na riyan ang Digital painting at Hangeul pop art, Hanbok experience o pwedeng magdamit-Korean, may travel spots din ng Korea at creative industries, at fun learning about content protection.

May ASEAN Corner din na hatid ng National Commission for Culture and the Arts, kung saan matutuklasan ang ganda ng kultura ng Southeast Asia na may crafts, puppets, masks, at games pa mula sa iba’t ibang bansa.

Pag lubog naman ng araw, doon na mag-uumpisa ang pasabog na performances!

Tampok ang K-Pop cover dance stages, traditional Korean performances, Taekwondo showcase mula sa Korea Taekwondo Association, at cultural acts mula sa Baguio City performers.

May Suwon Gugak Association pa at iba pang cultural groups na siguradong magpapakilig at magpapahanga sa audience.

Hatid ito sa pakikipagtulungan ng Korea Tourism Organization Manila Office, Korea Copyright Protection Agency Manila Office, Korea Creative Content Agency Philippine Business Center, Korea Agro-Fisheries and Food Trade Corporation, at SM City Baguio.

The post Korea Festival 2026 ikakasa ng KCC sa Baguio; libre pa! appeared first on Bandera.