Bakit nasabi ni Bela Padilla na pwede na siyang mamatay ngayon!?
FEELING naabot na ng Kapamilya actress na si Bela Padilla ang rurok ng tagumpay sa kanyang career bilang artista.
Ito'y dahil sa National Artist for Films and Broadcast Arts at award-winning iconic scripwriter na si Ricky Lee.
Sa panayam ng "KC After Hours", natanong si Bela kung ano ang na-feel niya nang malamang si Ricky Lee ang sumulat ng script ng bago niyang pelikula, ang "A Special Memory".
Ito ang magsisilbing reunion movie nina Bela at Carlo Aquino under Viva Films na unang nagtambal sa hugot film na "Meet Me in St. Gallen."
Iikot ang kuwento ng "A Special Memory" sa dalawang taong nagkainlaban pero nagkaroon ng twist and turn ang istorya nang tamaan ng early-onset Alzheimer's disease ang karakter ni Bela.
Sey ng Kapamilya broadcast-journalist na si Karmina Constantino, ang host ng "KC After Hours", "Tell me about, I don't know if you would call it pressure or were you hard on yourself, when you knew it was one of your mentors who wrote this character?"
Sagot ni Bela, "I loved it. Best script ever I've read in a while. I feel like I can die now. Parang ito na 'yon, ito na 'yong pinaka-peak ng career ko. Nasulatan ako ng script ni Sir Ricky Lee.
"Kasi, you know, we all emulate Sir Ricky. He's a National Artist. He wrote beautiful, beautiful films. 'Himala,' obviously," aniya pa.
Isa si Bela sa masusuwerteng personalidad na naging participant attend sa screenwriting classes ni Ricky Lee noong 2017.
Inilarawan pa nga niya ang kanyang experience sa naturang workshop bilang "best time of my life."
"I felt like I was in summer camp but for adults and I learned so much. I watched the best films," sey ni Bela.
Ilan sa mga script na naisulat ni Bela para sa pelikula ay ang "Luck at First Sight (2017), "Last Night" (2017), at "Apple of My Eye" (2019).
The post Bakit nasabi ni Bela Padilla na pwede na siyang mamatay ngayon!? appeared first on Bandera.
Reviewed by pinoyako
on
March 08, 2026
Rating:
No comments: